নিৰ্বাচনী সংঘাতঃ বন্ধ কৰি দিয়া হ'ল GUৰ RCC-1 আৰু RCC-2 ছাত্রাৱাস...

ডিজিটেল ডেস্কঃ গুৱাহাটী বিশ্ববিদ্যালয়ৰ দুটা ছাত্রাৱাস সাময়িকভাৱে বন্ধৰ সিদ্ধান্ত গ্ৰহণ কৰিছে কৰ্তৃপক্ষই। বিশ্ববিদ্যালয়খনৰ RCC-1, RCC-2 ছাত্রাৱাস বন্ধ কৰি দিছে বিশ্ববিদ্যালয় কৰ্তৃপক্ষই।

শেহতীয়া কিছু পৰিস্থিতিৰ প্ৰতি নজৰ ৰাখি তৎকালীনভাৱে কাৰ্যকৰী হোৱাকৈ বন্ধৰ নিৰ্দেশনা প্ৰদান কৰিছে কৰ্তৃপক্ষই। নিৰ্বাচনৰ পাছতে দুয়োটা ছাত্রাৱাসৰ আৱাসীৰ মাজত হোৱা সংঘাতৰ পিছতে এই সিদ্ধান্ত গ্ৰহণ কৰিছে বিশ্ববিদ্যালয়খনৰ কৰ্তৃপক্ষই।

আইন-শৃংখলাজনিত পৰিস্থিতি অৱনতিৰ আশংকাত GU কৰ্তৃপক্ষই এই সিদ্ধান্ত গ্ৰহণ কৰাৰ কথা সদৰি কৰিছে। অহা বুধবাৰে বিয়লিৰ ভিতৰত আৱাসীক দুয়োটা ছাত্রাৱাস খালী কৰাৰ নিৰ্দেশ প্ৰদান কৰা হৈছে।