ৰঙাপৰাত অবৈধ কাঠ ভৰ্তি ট্ৰাক জব্দ

ডিজিটেল সংবাদ, জামুগুৰি: ৰঙাপৰাৰ আমাৰিবাৰী আঞ্চলিক বন বিষয়াৰ কাৰ্যালয়ৰ বন কৰ্মীয়ে দেওবাৰে পুৱা চলোৱা অভিযানত অবৈধ কাঠ ভৰ্তি এখন ট্ৰাক জব্দ কৰিবলৈ সক্ষম হয় ৷ নিশা বন্যহস্তী খেদি কাৰ্যালয়লৈ উভতি অহাৰ সময়ত ৰঙাপৰাৰ নাহৰনি চাহ বাগিচাৰ সমীপৰ ৰেলৱে গেটত জব্দ কৰে অবৈধ কাঠ ভৰ্তি ট্ৰাকখন ৷

AS-01-NC -9796 নম্বৰৰ ট্ৰাকখনেৰে অৰুণাচলৰ পৰা চোৰাং কাঠ লৈ ঢেকিয়াজুলি অভিমুখে গৈ থকা সময়ত আমাৰিবাৰী বন কাৰ্য্যালয়ৰ বন কৰ্মীয়ে ট্ৰাকখন জব্দ কৰে ৷ বন কৰ্মীক দেখি ট্ৰাকখনৰ চালক জন পলায়ন কৰে ৷ জব্দ কৰা মূল্যবান কাঠখিনিৰ মূল্য প্ৰায় ৩ লাখৰো অধিক টকা হ’ব বুলি বন বিভাগৰ সূত্ৰে জানিব পৰা গৈছে৷

Also Read: ইউনিফাইড পেন্সন আঁচনিত কেন্দ্ৰৰ অনুমোদন