![বিহালীৰ কস্তুৰবা গান্ধী বালিকা বিদ্যালয়ৰ পৰিচালনা সমিতিৰ সচিবৰ বিৰুদ্ধে অশ্লীল ইংগিত দিয়াৰ অভিযোগ](http://media.assettype.com/asomiyapratidin%2F2024-05%2Ff49f07c2-3033-44a1-af1b-2a39fd3e7b7e%2F7.jpg?w=480&auto=format%2Ccompress&fit=max)
ডিজিটেল সংবাদ, বিহালীঃ বিহালীৰ কস্তুৰবা গান্ধী বালিকা বিদ্যালয়ৰ ছোৱালী হোষ্টেলৰ পৰিচালনা সমিতিৰ সচিবৰ বিৰুদ্ধে অশ্লীল ইংগিত দিয়াৰ দৰে গুৰুতৰ অভিযোগ গাৰ্লছ হোষ্টেলৰ ৱাৰ্ডেনৰ৷ বিহালীৰ বালিপুখুৰীস্থিত কস্তৰবা গান্ধী বালিকা বিদ্যালয়ৰ ছাত্ৰী নিবাসৰ পৰিচালিকা হিমা দাসে হোষ্টেল পৰিচালনা সমিতিৰ সচিব মুস্তাফিজুল হ'কৰ বিৰোদ্ধে এক এজাহাৰ দাখিল কৰিলে জিনজিয়া আৰক্ষী থানাত৷
সচিব মুস্তাফিজুল হ'কে নিশা ছাত্ৰী নিবাসৰ কোঠাত বিনা অনুমতিত প্ৰবেশ কৰি হিমা দাসক অশ্লীল ইংগিত দিয়াৰ অভিযোগ ৷ আনকি নামভৰ্তি হোৱা ছাত্ৰীতকৈ বিভাগীয় কৰ্তৃপক্ষক অধিক ছাত্ৰীৰ তথ্য প্ৰদান কৰি দীৰ্ঘদিন ধৰি ধন আত্মসাত কৰাৰ অভিযোগ মুস্তাফিজুল হ'কৰ বিৰুদ্ধে৷ পৰিচালিকা হিমা দাসক কৰ্তব্যত বাধা দি হোষ্টেলখনত মইমতালি চলোৱাৰ অভিযোগ উত্থাপন হৈছে মুস্তাফিজুলৰ বিৰুদ্ধে ৷