লখিমপুৰ জিলাৰ বিদ্যালয়ৰ সময়সূচী সলনি...

ডিজিটেল সংবাদ, ঢকুৱাখনা: লখিমপুৰ জিলাৰ সকলো চৰকাৰী বেচৰকাৰী বিদ্যালয়ৰ সময়সূচী পুনৰ নিৰ্ধাৰণ কৰা হৈছে। উৎকট গৰমৰ বাবে ইতিপূৰ্বে লখিমপুৰ জিলাৰ বিদ্যালয়সমূহৰ পৰিদৰ্শকে সকলো বিদ্যালয়ৰ পাঠদান পুৱা ৮-১৫ বজাৰ পৰা আৰম্ভ কৰাৰ নিৰ্দেশ দিছিল।

লখিমপুৰ জিলা শিক্ষা চক্ৰৰ বিদ্যালয় সমূহৰ পৰিদৰ্শকে পূৰ্বৰ মঙলবাৰে এই নিৰ্দেশনা বাতিল কৰি অহা ১ছেপ্টেম্বৰৰ পৰা বিদ্যালয়সমূহৰ পাঠদান পুৱা ৯-১৫ বজাৰ পৰা আৰম্ভ কৰাৰ নিৰ্দেশনা জাৰি কৰিছে। জিলাখনৰ সকলো শিক্ষানুষ্ঠানতে ১ছেপ্টেম্বৰৰ পৰা এই নিৰ্দেশনা কাৰ্যকৰী কৰা হ'ব। জিলা শিক্ষা বিভাগৰ আই এছ এল ডি চি /ছামাৰ ভেকেচন /১/২০০৪নম্বৰৰ এক নিৰ্দেশনা যোগে এই সময়সূচী নিৰ্ধাৰণ কৰিছে ।