লাকুৱাত পিঞ্জৰাবদ্ধ নাহৰফুটুকী...

ডিজিটেল সংবাদ, চৰাইদেউঃ লাকুৱা লাখমনিঘাট সমীপৰ দিহিঙ্গীয়া কোঁৱৰ গাঁৱত ১২ জুলাইত এটা নাহৰফুটুকী পিঞ্জৰাৱদ্ধ হৈছিল ৷ দেওবাৰে নিশা পুনৰ গাঁওখনত বন বিভাগে স্থাপন কৰা পিঞ্জৰাত আবদ্ধ হয় নাহৰফুটুকী৷ দীৰ্ঘদিন ধৰি বৃহত্তৰ অঞ্চলত এই বাঘটোৱে এক‌ আতংকময় পৰিৱেশ সৃষ্টি কৰিছিল ৷

অঞ্চলটোৰ ৰাইজৰ বহু পোহনীয়া জীৱ-জন্তু ভক্ষণ কৰা লগতে অনিষ্টসাধন কৰি আহিছিল ৷ নিশা নাহৰফুটুকীটো পিঞ্জৰাবদ্ধ হোৱাৰ খবৰ বিয়পি পৰা পাছতেই নাহৰফুটুকীটো চাবলৈ ৰাইজে ভিৰ কৰা পৰিলক্ষিত হয় ৷ ইতিমধ্যে বন বিভাগৰ লোক ঘটনাস্থলীত উপস্থিত হৈ পিঞ্জৰাবদ্ধ নাহৰফুটুকীটোক উদ্ধাৰ  কৰি সোনাৰি নাফুকস্হিত কাৰ্যালয়লৈ লৈ যায় ৷

Also Read: তিতাবৰ সীমান্তত প্ৰবল বৃষ্টিপাতঃ বৰহোলাত মথাউৰি ভাঙি বালিয়ে পুতিলে শ শ বিঘা কৃষিভূমি...