লামডিঙত পথ দুৰ্ঘটনাঃ মাকৰ লগত পূজা চাবলৈ গৈ উভতি নাহিল কৃষ্ণ...

ডিজিটেল সংবাদ,মঙলদৈঃ পূজাৰ আনন্দৰ মাজতে এক শোকাৱহ দুৰ্ঘটনাই কপাই গ'ল লামডিং। ঘটনা সন্দৰ্ভত পোৱা তথ্য অনুসৰি, পূৱ লামডিং পঞ্চায়তৰ অন্তৰ্গত জংগলী কালিবাড়িৰ সন্তোসী মা টিলাৰ সমীপত সংঘটিত হয় এক পথ দুৰ্ঘটনা ৷ AS 02 Z 9056 নম্বৰৰ টিভিএচ আপাচি বাইক আৰু AS 31 D 4394 টিভিএচ এন্ট্ৰক স্কুটিৰ মুখী সংঘৰ্ষত নিহত হয় দুজন।

নিহত দুগৰাকী মুৰাবস্তিৰ নিৱাসী কৃষ্ণ দাস আৰু পূৱ লামডিঙৰ নিৱাসী হিৰা গৌৰ ৷ ইফালে গুৰুতৰ ভাৱে আহত দিনেশ পাল আৰু ৰীতা ৰাণী দাস। আহত দুয়োকে লামডিং অসামৰিক চিকিৎসালয়ত ভৰ্তি কৰোৱা হয় যদিও উন্নত চিকিৎসাৰ বাবে অন্য় হাস্পতাললৈ প্ৰেৰণ কৰিছে।

এইখিনিতে উল্লেখ কৰা প্ৰয়োজন যে, দুৰ্গা পূজা চাবলৈ বুলি মাক ৰীতা ৰাণী দাসক লৈ ওলাই আহিছিল পুত্ৰ কৃষ্ণ দাস। কিন্তু দুৰ্ঘটনাৰ ফলত মাকৰ সৈতে ঘৰলৈ উভতিব নোৱাৰিলে কৃষ্ণ ৷

Also Read: মহাষ্টমীত লোকে-লোকাৰণ্য চিলাসুতি ঐতিহাসিক তাম্ৰেশ্বৰী আইথান...