হিংসা জৰ্জৰ মণিপুৰত ৩ সন্ত্ৰাসবাদীসহ বুজন পৰিমাণৰ অবৈধ মাৰণাস্ত্ৰ‌ জব্দ

ডিজিটেল সংবাদ,শিলচৰঃ অশান্ত জৰ্জৰ মণিপুৰত সন্ত্ৰাসবাদীৰ বিৰুদ্ধে নিৰাপত্তা বাহিনীৰ অভিযান অব্যাহত আছে। বিগত ৪৮ ঘন্টাত থৌবাল,চুৰাচান্দপুৰ,বিষ্ণুপুৰ আৰু টেংগনৌপাল জিলাৰ বিভিন্ন স্থানত অভিযান চলাই নিৰাপত্তা বাহিনীয়ে নিষিদ্ধ ঘোষিত সংগঠনৰ ৩জন সন্ত্ৰাসবাদীক গ্ৰেপ্তাৰ কৰাৰ লগতে বুজণ পৰিমাণৰ অবৈধ মাৰণাস্ত্ৰ জব্দ কৰে।

অভিযান কালত ভাৰত ম্যানমাৰ সীমান্তৰ সমীপৰ ইয়াংহৌবুং গাঁৱত নিৰাপত্তা বাহিনীয়ে PREPAK(PRO)ৰ এজন সন্ত্ৰাসবাদীক গ্ৰেপ্তাৰ কৰে। ৰবাৰ্ট লালহাহদামক নামৰ সন্ত্ৰাসবাদী জনৰ পৰা এটা INSAS Rifle জব্দ কৰে আৰক্ষীয়ে। আনহাতে, ভাৰত-ম্যানমাৰ সীমান্তৰ টেংগনৌপাল জিলাত অভিযান চলাই দুজন 'পিএলএ'ৰ কেডাৰক গ্ৰেপ্তাৰ কৰে আৰক্ষীয়ে।

সন্ত্ৰাসবাদী দুজন নিংগোম্বম প্ৰিয় সিং আৰু ছৈখম দেৱজিৎ সিং। ইফালে, থৌবাল জিলাত অভিযান চলাই নিৰাপত্তা বাহিনীয়ে এটা 7.62 এম এম স্নাইপাৰ ৰাইফল, মেগজিন সহ বাৰ্মাত নিৰ্মিত ৫ টা 9mm পিষ্টল, ৫টা হেণ্ড গ্ৰেনেড, দুটা টিউব লঞ্চিঙ, ৪ টা ইলেক্ট্ৰনিক ডিটনেটৰৰ, ২০টা সজীৱ গুলী সহ বুজন পৰিমাণৰ বিস্ফোৰক জব্দ কৰে।

সেইদৰে বিষ্ণুপুৰ জিলাৰ পৰা ১টা এছ এল আৰ, বিভিন্ন‌ আকাৰৰ মুঠ ৯ টা গ্ৰেনেড, ২.৩ কিলোগ্ৰাম আই ই ডি সহ যথেষ্ট বিস্ফোৰক সামগ্ৰী উদ্ধাৰ কৰে নিৰাপত্তা বাহিনীয়ে। একেদৰে চুৰাচাণ্ডপুৰ জিলাৰ পৰা মেগজিন সহ ২টা পইন্ট ৩০৩ ৰাইফল, এটা ইম্প্ৰভাইজড .৩০৩ স্নাইপাৰ ৰাইফল, ৩০টা সজীৱ গুলী সহ বুজন পৰিমাণৰ বিস্ফোৰক জব্দ কৰে।

Also Read: লামডিং জংচনত 9 MM পিষ্টল সহ আটক যুৱক-যুৱতী