বুজন পৰিমাণৰ অত্যাধুনিক মাৰণাস্ত্ৰ সহ মণিপুৰত ৯ সন্ত্ৰাসবাদী গ্ৰেপ্তাৰ

ডিজিটেল সংবাদ,শিলচৰ : অশান্ত জৰ্জৰ মণিপুৰত সন্ত্ৰাসবাদী আৰু অবৈধ‌ মাৰণাস্ত্ৰৰ বিৰুদ্ধে অভিযান চলাই বৃহৎ সফলতা লাভ কৰিছে নিৰাপত্তা বাহিনীয়ে।‌ থৌবাল আৰু ইম্ফল পশ্চিম জিলাত অভিযান চলাই ইউএনএলএফ আৰু পিএলএ ৰ ৯ জনকৈ সন্ত্ৰাসবাদীক গ্ৰেপ্তাৰ কৰিছে। লগতে সন্ত্ৰাসবাদী কেইজনৰ পৰা বুজন পৰিমাণৰ অত্যাধুনিক মাৰণাস্ত্ৰ জব্দ কৰিছে আৰক্ষীয়ে।

থৌবাল জিলাত অভিযান চলাই আৰক্ষীয়ে ৮ জন ইউএনএলএফ আৰু ইম্ফল পশ্চিম জিলাৰ পৰা এজন পিএলএ ৰ সন্ত্ৰাসবাদীক গ্ৰেপ্তাৰ কৰিছে।‌ ইউএনএলএফ সন্ত্ৰাসবাদী কেইজনৰ পৰা ৩টা এ কে ৪৭ ৰাইফল,২ টা এ কে ৫৬ ৰাইফল,এটা এম-১৬ ৰাইফল, এটা ৯ এম এম পিষ্টল, AK 47ৰ ১৪৭টা, এম-১৬ৰ ২০ টা আৰু ৯ এম এম ৰ ২৫টা সজীৱ গুলীসহ ১৬টা মোবাইল ফোন‌ আৰু এখন নম্বৰ প্লেট বিহীন চাৰি চকীয়া বিলাসী বাহন‌ জব্দ কৰে।

ধৃত সন্ত্ৰাসবাদী কেইজন‌ ক্ৰমে লাইশ্ৰম আটাংবা মেইটেই, লেইছাংথেম নংপক মেইটেই, থোংগম খঙাকপা মেইটেই, থিয়াম নিংথৌ মেইটেই, আকোইজাম থৌপাংবা মেইটেই, থৌনাওজাম মেইটেই, নগাচেংপাম নৌংথৌবা মেইটেই, চৰখাইবাম নংবা সিং আৰু মইৰাংথেম মণিটন সিং বুলি চিনাক্ত কৰা হৈছে।

Also Read: কোন মাটিৰ দালাল,কোন ইটা ভাটাৰ দালাল ৰাইজে জানে,ইয়াৰ উত্তৰ ৰাইজে ইভিএম ত দিবঃ জয়ন্ত বৰা