দীপাৱালীৰ প্ৰাকক্ষণত লামডিঙত কেইবালাখ টকাৰ নিচাজাতীয় সামগ্ৰী জব্দ

ডিজিটেল সংবাদ, লামডিং : দীপাৱালীৰ প্ৰাকক্ষণত মঙলবাৰে লামডিঙত কেইবালাখ টকাৰ নিচাজাতীয় সামগ্ৰী জব্দ কৰিছে আৰক্ষীয়ে। লামডিং ৰে’লৱে জংচনত বৃহৎ পৰিমাণৰ নিচাযুক্ত দ্ৰব্যসহ আটক কৰে এজনক ৷

জানিব পৰা মতে লামডিং জংচনৰ চলন্ত ৰে’লত আৰ পি এফ আৰু জি আৰ পিৰ যৌথ অভিযানত ৫০ লাখ টকাৰো অধিক মৰ্ফিন জব্দ কৰিবলৈ সক্ষম হয়। আৰ পি এফৰ বিশেষ দল CPDS, আৰপিএফ আৰু ৰে’ল আৰক্ষীৰ দলে ১২৪২৩ নম্বৰ নামনিমুৱা তিনিচুকীয়া- নিউ দিল্লী ৰাজধানী এক্সপ্ৰেছ  অভিযান চলাই এই সমূহ সামগ্ৰী জব্দ কৰে।

উল্লেখ্য যে অভিযানত ৰে’লখনৰ বি ১০ দবাত উদ্ধাৰ কৰে সামগ্রিখিনি। জব্দকৃত প্ৰায় ১.১২ কেজি মৰ্ফিন ডিমাপুৰৰ পৰা হোজাই লৈ সৰবৰাহ কৰিছিল। এই ঘটনাৰ লগত জড়িত ৰাজস্থানৰ শ্ৰৱণ সিং নামৰ এজন সৰবৰাহকাৰীক আটক কৰিবলৈ সক্ষম হয়।

Also Read: অপ্ৰতিৰোধ্য ভাৰত: আমেৰিকা,ফ্ৰান্স, আৰ্মেনিয়ালৈ ৰপ্তানি অস্ত্ৰ- শস্ত্ৰ...