মুখ্যমন্ত্ৰীয়ে যেনেদৰে কথা কয় তেনেদৰে কাম কৰে, মায়ঙৰ পৰা শিলঘাটলৈকে মথাউৰি হব পকাঃমন্ত্ৰী পীয়ুষ হাজৰিকা…

ডিজিটেল সংবাদ , নগাঁও : মায়ঙৰ পৰা শিলঘাটলৈকে হব মথাউৰি পকা ৷ নগাঁও মৰিগাঁও জিলাক সামৰি লোৱা ব্ৰহ্মপুত্ৰৰ মথাউৰি পকা কৰাৰ সিদ্ধান্ত গ্ৰহণ কৰিছে ৰাজ্য চৰকাৰে ৷ দেওঁবাৰে নগাঁৱত এই ঘোষনা কৰে জলসম্পদ মন্ত্ৰী পীয়ুষ হাজৰিকাই ৷ নেহৰুবালিত অসম মাইক্ৰ'ফাইনেঞ্চ উদগনি আৰু সকাহ আঁচনিৰ সভাত উপস্হিত থাকি মন্ত্ৰী হাজৰিকাই কয় যে অসমীয়া মহিলা সকলৰ সন্মান যাতে লাঘব নহয় তাৰ বাবে মুখ্যমন্ত্ৰী ড° হিমন্ত বিশ্ব শৰ্মাই কাম কৰি যাবলৈ বদ্ধপৰিকৰ ৷

কথা দি কথা ৰখা মুখ্যমন্ত্ৰী ড° হিমন্ত বিশ্ব শৰ্মা বুলি উল্লেখ্য কৰি মন্ত্ৰী হাজৰিকাই কয় – ভবিষ্যতে আমাৰ মহিলা সকলক মাইক্ৰ'ফাইনেঞ্চৰ কোনেও বেয়া ব্যৱহাৰ কৰিব নোৱাৰিব ৷ ইয়াৰ পৰা সতৰ্ক কৰি দিছো ৷ ৰাজ্যত এতিয়া অপৰাধৰ সংখ্যা কমিছে বুলি বক্তব্য আগবঢ়াই কয় যে মুখ্যমন্ত্ৰী ড° হিমন্ত বিশ্ব শৰ্মাই গ্ৰহন কৰা পদক্ষেপৰ বাবে থানাত গোচৰৰ সংখ্যা কমিছে ৷

অপৰাধ হ্ৰাস পোৱাৰ সময়ত কংগ্ৰেছে সমালোচনা কৰিছে ৷ ড্ৰাগছবিৰোধী অভিযানক কংগ্ৰেছে বেয়া পাই জ্বলি পকি সংবাদ মেল পাতে ৷ কংগ্ৰেছে বেয়া পালেও ড্ৰাগছৰ বিৰোদ্ধে , অপৰাধীৰ বিৰোদ্ধে চৰকাৰে অভিযান অব্যাহত ৰাখিব ৷ সভাত স্বাস্হ্যমন্ত্ৰী কেশব মহন্তই কয় যে মুখ্যমন্ত্ৰী ড° হিমন্ত বিশ্ব শৰ্মাই কথা যেনেকে কয় কামো তেনেকে কয় ৷ প্ৰতিশ্ৰুতি দি প্ৰতিশ্ৰুতি ৰক্ষা কৰিবলৈ মুখ্যমন্ত্ৰীয়ে কাম কৰিছে ৷

মুখ্যমন্ত্ৰী ড° হিমন্ত বিশ্ব শৰ্মা আমাৰ সকলোৰে নেতা ৷ তেওঁ এটা দলৰ নেতা নহয় ৷ অসমৰ সকলোৰে নেতা ৷ জাতি , ভেটি , মাটি ৰক্ষাৰ বাবে মুখ্যমন্ত্ৰী ড° শৰ্মাই প্ৰকৃতাৰ্থত কাম কৰিছে ৷ তেওঁৰ নেতৃত্বত অসমৰ জাতি , মাটি , ভেটিৰ ৰক্ষা হবই ৷ অসম মাইক্ৰ'ফাইনেঞ্চ উদগনি আৰু সকাহ আঁচনিৰ জৰিয়তে নগাঁও জিলাৰ ৮৬,৯৫০ গৰাকী মহিলা উপকৃত হব ৷

সভাত আনুষ্ঠানিক ভাবে পোন্ধৰ গৰাকী মহিলাক ঋণ পৰিশোধৰ বাবে আচঁনিৰ চেক প্ৰদান কৰা হয় যদিও ছয়হাজাৰ মহিলাৰ মাজত দেওঁবাৰে সভাৰ শেষত চেক বিতৰন কৰা হয় ৷ সভাখনিত বিধায়ক ৰূপক শৰ্মা , জিতু গোস্বামী , প্ৰাক্তন সাংসদ ৰাজেন গোহাই আদি উপস্হিত থাকে ৷