ডিজিটেল সংবাদ,বকোঃ কামৰূপ জিলাৰ বকোত বাতৰি কাকতৰ টোপোলা চুৰি হোৱা ঘটনাই চাঞ্চল্যৰ সৃষ্টি কৰিছে । ঘটনাৰ বিৱৰণী মতে শনিবাৰে পুৱাতে বকো থানাৰ অন্তৰ্গত বনগাঁও বজাৰ চ'কত থকা শান্তি নিজৰা নামৰ বাতৰি কাকত বিক্ৰী প্ৰতিষ্ঠানৰ পৰা বাতৰি কাকতৰ টোপোলা চুৰি হয় ।
শান্তি নিজৰাৰ স্বত্বাধিকাৰী জয়ন্ত মেধিয়ে চি চি কেমেৰাৰ ফুটেজ নিৰীক্ষণ কৰি কাকতৰ টোপোলা চুৰি কৰা চোৰটোক বনগাঁও বজাৰ চ'কৰ সমীপৰ বামুণীগাঁও বজাৰ চ'কত ধৰি আৰক্ষীক গোটাই দিয়ে । চোৰটো বকো টুপামাৰীৰ ছিদ্দিক আলী বুলি জানিব পৰা গৈছে ।
ছিদ্দিক আলী বকো আগছিয়াৰ সাগৰ আলীৰ ডেম্পৰ কৰ্মচাৰী বুলি জানিবলৈ দিয়ে। উল্লেখ্য যে, বকো আৰক্ষীয়ে ছিদ্দিক আলীক জে'ললৈ প্ৰেৰণ কৰিছে যদিও ডেম্পৰ মালিক সাগৰ আলিক এতিয়ালৈকে গ্ৰেপ্তাৰ কৰা নাই ।
অন্যহাতে পূৰ্বেও বনগাঁও বজাৰ চ'কৰ শান্তি নিজৰা নামৰ বাতৰি কাকত বিক্ৰী কৰা প্ৰতিষ্ঠানৰ বাতৰি কাকতৰ টোপোলা চুৰি হৈছিল ।
