মায়ঙৰ গাগলমাৰী হাছিনা বজাৰত নৈশ ভলীবল প্ৰতিযোগিতা

ডিজিটেল সংবাদ, মায়ং : মৰিগাঁও জিলাৰ মায়ঙৰ হাছিনাবৰী আঞ্চলিক ক্ৰীড়া সন্থাৰ উদ্যোগত হাছিনা বজাৰৰ সমীপত সদৌ অসম ভিত্তিত অনুষ্ঠিত হৈছে নৈশ ভলীবল খেল প্ৰতিযোগিতা। এই প্ৰতিযোগিতাত এ, এছ, ই ,বি দলে বঙাইগাঁও দলক পৰাস্ত কৰি নগদ ধনসহ চেম্পিয়ন ট্ৰফী অৰ্জন কৰে।

সৰ্বমুঠ ৬টা দলে অংশগ্ৰহণ কৰা খেলখনত বৰপেটাৰ সৰভোগ, দৰং জিলাৰ টংলা, কামৰূপ মহানগৰ জিলাৰ ডিমৰীয়া, গুৱাহাটী ভলীবল ক্লাৱ, এ এছ ই বি আৰু বঙাইগাঁও দলে অংশগ্ৰহণ কৰে । চূড়ান্ত খেলখনত এ এছ ই বি দলে ২৫ পইন্ট লাভ কৰি বিজয়ী হয়।

আনহাতে বঙাইগাঁও দলে ১৬ পইন্টত থমকি পৰাজয়বৰণ কৰে। নিশা অনুষ্ঠিত খেলখনত উপস্থিত থাকে লাহৰীঘাট সমষ্টিৰ বিধায়ক ডা০ আচিফ নাজাৰ।