মংগলবৰীয়া খ্ৰীষ্টানবস্তিত সপ্তাহিক শ্ৰীমদ্ভাগৱত জ্ঞান যজ্ঞৰ আয়োজন

ডিজিটেল সংবাদ, জামুগুৰিহাট : জামুগুৰিহাটৰ মংগলবৰীয়া খ্ৰীষ্টানবস্তিত বৃহস্পতিবাৰে সাপ্তাহিক শ্ৰীমদ্ভাগৱত জ্ঞান মহাযজ্ঞ অনুষ্ঠিত হয় ৷ প্ৰয়াত বীৰেন্দ্ৰ নেৱাৰৰ পৰিয়ালবৰ্গই পিতৃকূল উদ্ধাৰ আৰু অঞ্চলটোৰ ৰাইজৰ কুশল মংগল কামনাৰ লগতে বিশ্ব শান্তিৰ হকে এই মদ্ভাগৱত জ্ঞান মহাযজ্ঞৰ আয়োজন কৰা বুলি জনাইছে ।

সাত দিনীয়া কাৰ্যসূচীৰে আয়োজন কৰা শ্ৰী মদ্ভাগৱত জ্ঞান মহাযজ্ঞৰ আজি পুৱাই জীয়াভৰলী নদীৰ পৰা শতাধিক ভক্ত প্ৰাণ মহিলাই কলহত পানী ভৰাই লৈ জল যাত্ৰাৰে যজ্ঞ মণ্ডপত উপস্থিতহৈ প্ৰথম দিনাৰ কাৰ্য্যসূচীৰ শুভাৰম্ভ কৰে। এই জ্ঞান মহাযজ্ঞৰ কথা প্ৰৱচক হিচাপে অংশগ্ৰহণ কৰে আচাৰ্য্য দেৱনায়ক অধিকাৰীয়ে।

তেঁও অঞ্চলটোৰ কেইবা শতাধিক ভক্তপ্ৰাণ ৰাইজৰ প্ৰতি আগবঢ়োৱা কথা বচনৰ জৰিয়তে শ্ৰীমদ্ভাগৱতৰ জ্ঞানৰ পোহৰ বিলোৱাৰ প্ৰয়াস অব্যাহত ৰখা পৰালক্ষিত হয় ৷

Also Read: গুণাৰামক পাহৰিলো, ৰামদেৱক আদৰিলো...