নীৰজ চোপ্ৰাই ব্যৱহাৰ কৰা 'জেভলিন' ডালৰ ওজন কিমান, জানেনে আপুনি...

ডিজিটেল ডেস্কঃ জেভলিন থ্ৰ'ত ভাৰতে বিগত কেইটামান বছৰৰ পৰা অলিম্পিকত সফলতা অৰ্জন কৰি আহিছে। ভাৰতৰ নীৰজ চোপ্ৰাই টকিঅ অলিম্পিকত সোণ আৰু এইবাৰ পেৰিছ অলিম্পিকত ৰূপৰ পদক দেশলৈ আনিছে। এই জেভলিন থ্ৰত ব্যৱহাৰ হোৱা জেভলিন ডালৰ বিষয়ে আপুুনি জানেনে!

খেলত ব্যৱহাৰ হোৱা এই জেভলিন ডালৰ দৈঘ্য আৰু ওজন পুৰুষ-মহিলা ভেদে বেলেগ বেলেগ হয়। পুৰুষে খেলত ব্যৱহাৰ কৰা এই জেভলিন ডালৰ ওজন হয় প্ৰায় ৮০০গ্ৰাম। এই জেভলিন ডালৰ দৈঘ্য ২.৬মিটাৰৰ পৰা ২.৭মিটাৰ হয়। ইয়াৰ বিপৰীতে মহিলা খেলুৱৈয়ে ব্যৱহাৰ কৰা জেভলিন ডালৰ ওজন ৬০০গ্ৰাম। এই জেভলিন ডালৰ দৈঘ্য ২.২মিটাৰৰ পৰা ২.৩মিটাৰ হয়।

খ্ৰীষ্টপূৰ্ব ৭০৮ ত প্ৰাচীন অলিম্পিকত গ্ৰীচত খেল হিচাপে প্ৰথমবাৰৰ বাবে জেভলিন থ্ৰ’ৰ আবিৰ্ভাৱ ঘটে । দৌৰ, ডিস্কাছ থ্ৰ’, লং জাম্প আৰু মল্লযুঁজৰ লগতে পেন্টাথলন ইভেণ্টৰ অংশ আছিল । মূল জেভলিন জলফাই গছৰ কাঠৰ পৰা তৈয়াৰ কৰা হৈছিল । প্ৰাচীন অলিম্পিক গেমছৰ স্থান অলিম্পিয়াৰ শতিকাজুৰি হোৱা অসংখ্য যুদ্ধ আৰু প্ৰাকৃতিক দুৰ্যোগৰ বাবে অৱনতি ঘটিছিল । ৰোমান সম্ৰাট প্ৰথম থিয়ডোছিয়াছে পৌত্তলিক অনুষ্ঠান আৰু কাৰ্যক নিষিদ্ধ কৰাৰ পিচত প্ৰায় ৩৯৪ খ্ৰীষ্টাব্দত এই খেলসমূহৰ আনুষ্ঠানিকভাৱে অন্ত পৰে । ইয়াৰ ফলত খেল হিচাপে জেভেলিন থ্ৰ’ কৰাৰ প্ৰথাও শেষ হৈ যায় ।

প্ৰায় এটা শতিকা পিচত ১৭০০ চনৰ শেষৰ ফালে স্ক্যাণ্ডিনেভিয়ানসকলেই এই খেলবিধক পুনৰ সজীৱ কৰি তুলিছিল । ফিন আৰু ছুইডেনে জেভেলিন থ্ৰ’ দুটা ভিন্ন শাখাত প্ৰতিযোগিতাত অংশগ্ৰহণ কৰিছিল - লক্ষ্যত নিক্ষেপ কৰা আৰু আটাইতকৈ দূৰলৈ নিক্ষেপ কৰা । কিন্তু তাৰ পিচৰ দশকবোৰত দূৰত্বৰ বাবে নিক্ষেপ কৰাটো অধিক জনপ্ৰিয় হৈ পৰিল ।

২০২৪ চনৰ ৭ আগষ্টত সমগ্ৰ ভাৰতবৰ্ষত উদযাপন কৰা হ’ব ৰাষ্ট্ৰীয় জেভলিন নিক্ষেপ দিৱস । এথলেটিকছ ফেডাৰেশ্যন অৱ ইণ্ডিয়াই সৰ্বসন্মতিক্ৰমে এই দিনটোক ৰাষ্ট্ৰীয় জেভলিন নিক্ষেপ দিৱস হিচাপে ঘোষণা কৰাৰ সিদ্ধান্ত গ্ৰহণ কৰে । এই গুৰুত্বপূৰ্ণ দিনটো ২০২০ চনৰ টকিঅ’ অলিম্পিকত স্বৰ্ণ পদক লাভ কৰা জেভেলিন থ্ৰ’ৱাৰ নীৰজ চোপ্ৰাক সন্মান জনোৱাৰ বাবে উৎসৰ্গিত কৰা হৈছে ।

Also Read: ৰাজ্যসভাৰ দুই আসনৰ বাবে বিজেপিৰ ১১ জনৰ আবেদনঃ বিধানসভা উপ-নিৰ্বাচনৰো প্ৰস্তুতি প্ৰায় সম্পূৰ্ণ ...