২ আগষ্টৰ পৰা ১৫ আগষ্টলৈ নিজৰ ডিপিত ত্ৰিৰংগা পতাকা ৰখিবলৈ আহ্বান প্ৰধানমন্ত্ৰীৰ…

ডিজিটেল ডেস্ক : দেওবাৰে ৯০ সংখ্যক "মনকি বাত" অনুষ্ঠানত প্ৰধানমন্ত্ৰী নৰেন্দ্ৰ মোডীয়ে দেশবাসীক বিশেষ ভাবে সম্বোধন কৰে । দেশবাসীক সম্বোধন কৰি প্ৰধানমন্ত্ৰী মোডীয়ে স্বাধীনতা সংগ্ৰামৰ শ্বহীদ উধম সিঙে দেশৰ বাবে কৰা ত্যাগৰ কথা স্মৰণ কৰি শ্ৰদ্ধাঞ্জলি জ্ঞাপন কৰে ।

প্ৰধানমন্ত্ৰী মোডীয়ে মনকি বাত অনুষ্ঠানত কয় যে , "স্বাধীনতাৰ ৭৫ সংখ্যক দিনটো আমাৰ বাবে অতিকৈ গুৰুত্বপূৰ্ণ দিন । স্বাধীনতাৰ অমৃত মহোৎসৱৰ অধীনত ১৩ ৰ পৰা ১৫ আগষ্টলৈ এক বিশেষ উৎসৱৰ আয়োজন কৰা হৈছে আৰু  'হৰ ঘৰ তিৰঙ্গা- হৰ ঘৰ তিৰঙ্গা'ৰ ব্যৱস্থা কৰা হৈছে  । এই উৎসৱৰ অংশ হিচাপে  ১৩ আগষ্টৰ পৰা ১৫ আগষ্টলৈ    আপোনালোকে ঘৰত ত্ৰিৰংগা উত্তোলন কৰিব লাগিব, বা ইয়াক আপোনালোকৰ  ঘৰত ৰাখিব লাগিব।"

ইয়াৰ ওপৰিও প্ৰধানমন্ত্ৰী মোডীয়ে সামাজিক মাধ্যম ব্যৱহাৰকাৰী সকলক নিজৰ ডিপিত ২ আগষ্টৰ পৰা ১৫ আগষ্টলৈ  ত্ৰিৰংগা পতাকা ৰখিবলৈ আহ্বান জনায় । উল্লেখ্য যে, ২ আগষ্টত ত্ৰিৰংগা পতাকাৰ নক্সা তৈয়াৰ কৰা পিঙ্গালী ভেংকায়াৰ জন্মজয়ন্তী ।

আৰু পঢ়ক :মন কী বাত' ত এইবাৰ মুখ্যমন্ত্রী ড০ হিমন্ত বিশ্ব শৰ্মা…