শিৱসাগৰত পিষ্টলসহ আটক যুৱকঃ তদন্ত অব্যাহত

ডিজিটেল সংবাদ,শিৱসাগৰ: শিৱসাগৰ জিলাৰ জয়সাগৰ আৰক্ষীয়ে দেওবাৰে নিশা এজন যুৱকৰ পৰা এটা পিষ্টল উদ্ধাৰ কৰা ঘটনাই সৰ্বত্ৰে চাঞ্চল্যৰ সৃষ্টি কৰিছে ৷ জানিব পৰা মতে আৰক্ষীয়ে জি জি এচ চাৰিআলিৰ পৰা পংকজ দাস নামৰ ৩২ বছৰীয়া এজন যুৱকৰ পৰা এটা .22 এম এম পিষ্টল আৰু ৩টা সজীৱ গুলী জব্দ কৰে ৷ জব্দাকৃত পিষ্টলটো চাইনাত নিৰ্মিত বুলি জানিব পৰা গৈছে ৷

জানিব পৰা মতে, জয়সাগৰৰ নিবাসী কংকন দাসৰ পুত্ৰ পংকজ দাস তিনিচুকীয়াত থাকে ৷ বিগত কেইবাটাও দিন ধৰি যুৱকজনে পিষ্টলটো লৈ অঞ্চলতোত বিচৰণ কৰি থকাৰ তথ্য জয়সাগৰৰ আৰক্ষী বিষয়া মনোৰঞ্জন ৰাজখোৱাই লাভ কৰি নিশা প্ৰায় ৯ বজাত অভিযান চলাই অস্ত্ৰধাৰী যুৱকজনক কৰায়ত্ব কৰে৷

Also Read: তেল চুৰৰ অভিযোগঃ বিধায়ক পুত্ৰ ৰকিবুল হুদাৰ আত্মসমৰ্পণ...