প্ৰমোদ বড়ো নেতৃত্বাধীন BTR পৰিষদীয় চৰকাৰৰ দুবছৰ সম্পূৰ্ণ...

ডিজিটেল ডেস্কঃ বি টি আৰ প্ৰশাসনৰ উদ্যোগত কোকৰাঝাৰৰ বডোফা নগৰস্থিত বিটিচি সচিবালয়ৰ পথাৰত আজি কেন্দ্ৰীয়ভাৱে উদযাপিত হৈছে বৰ্ষপূৰ্তি অনুষ্ঠান ৷বৰ্ষপূতি উদযাপনৰ সৈতে সংগতি ৰাখি আজি পুৱা ৫-৩০ বজাত শান্তিৰ বাবে এক পদযাত্ৰা উলিওৱা হয় ৷

বি টি আৰ সচিবালয়ৰ পৰা উলিওৱা শান্তিৰ পদযাত্ৰাৰ পতাকা জোকাৰি শুভাৰম্ভ কৰে বি টি চি বিধান পৰিষদৰ অধ্যক্ষ কাতিৰাম বড়ো আৰু কাৰ্যবাহী সদস্য দাওবৈছা বড়োৱে৷

শান্তিৰ পদযাত্ৰাত বি টি চি প্ৰধান প্ৰমোদ বড়োসহ কেইবাগৰাকী কাৰ্যবাহী সদস্য, পাৰিষদ আৰু বিভিন্ন বিভাগৰ বিষয়া - কৰ্মচাৰীয়ে অংশগ্ৰহণ কৰে ৷দেশভক্তি তথা বিভিন্ন শান্তিমূলক সংগীতৰে আৰম্ভ কৰা পদযাত্ৰা কোকৰাঝাৰ চহৰৰ বিভিন্ন পথত পৰিভ্ৰমী কোকৰাঝাৰ চৰকাৰী উচ্চতৰ মাধ্যমিক আৰু বহুমুখী বিদ্যালয় খেলপথাৰত সামৰণি পৰে ৷

বি টি আৰ চৰকাৰৰ মূল লক্ষ্যই হ'ল শান্তি - ঐক্য বজাই ৰখা আৰু যাৰ বাবে বি টি আৰৰ দুবছৰীয়া বৰ্ষপূৰ্তি উদযাপনৰ সতে সংগতি ৰাখি এই শান্তিৰ পদযাত্ৰা কাৰ্যসূচী লোৱা হৈছে বুলি বি টি চি প্ৰধান প্ৰমোদ বড়োৱে মন্তব্য কৰে ৷

বৰ্ষপূতি উদযাপনৰ আজি দিনজোৰা অন্যান্য কাৰ্যসূচী অনুযায়ী দোতমাৰ থুলুংগাপুৰীত থকা বডোফা উপেন্দ্ৰ নাথ ব্ৰহ্মৰ প্ৰতিমূৰ্তিত পুষ্পাঞ্জলি অৰ্পণ , কোকৰাঝাৰৰ ভাটিপাৰাত থকা বডোলেণ্ড আন্দোলনৰ প্ৰথম শ্বহীদ সুজিৎ নাৰ্জাৰীৰ প্ৰতিমূৰ্তিত শ্বহীদ তৰ্পন আৰু বিটিচিৰ সচিবালয়ত ৰাষ্ট্ৰীয় পতাকা উত্তোলন কৰা হয় ৷

ইয়াৰ পিছতেই ৰাতিপুৱা ১০:০০ বজাত বিভিন্ন বিভাগৰ সফলতাসমুহ উপস্থাপন কৰা হ'ব । বি টি আৰ চৰকাৰৰ দুবছৰীয়া বৰ্ষপূতি অনুষ্ঠানত মুখ্য অতিথি হিচাপে ৰাজ্যপাল জগদীশ মুখী আৰু বিশেষ অতিথি হিচাপে বিজেপিৰ কেন্দ্ৰীয় উপ-সভাপতি বৈজয়ন্ত জয় পাণ্ডাই অংশগ্ৰহণ কৰিব ৷

Two years celebration of our BTR Govt. is off to a pleasant start with a 'Peace Rally' from BTC Secretariat Field, Kokrajhar this morning.

Joined the rally along with several others to celebrate this eventful journey of peace, progress & good governance.#2YearsofBTRGovt pic.twitter.com/3EZfyyrroM

— Pramod Boro (@PramodBoroBTR) December 20, 2022

ক্লিক কৰি পঢ়কঃ কাশ্মীৰ উপত্যকাত সেনাৰ বৃহৎ সাফল্যঃ অবশিষ্ট সন্ত্ৰাসবাদীৰ বিৰুদ্ধে চলি আছে অভিযান...