দিশপুৰত‌ দিলস্ লক্ষ্মীন্দ্ৰ সিংহৰ ওপজা দিন উপযাপনৰ‌ প্ৰস্তুতি

ডিজিটেল সংবাদ, গুৱাহাটী: অসমৰ বিশিষ্ট সাহিত্যিক, গৱেষক, ৰাজ্য চৰকাৰৰ সাহিত্যিক পেন্সনাৰ, বিষ্ণুপ্ৰিয়া মণিপুৰী সাহিত্য পৰিষদ তথা "বহুবাক"ৰ সভাপতি দিলস্ লক্ষ্মীন্দ্ৰ সিংহৰ ওপজা দিন উদযাপনৰ আয়োজন কৰা হৈছে। অহা ১৬ ছেপ্টেম্বৰ, সোমবাৰে দিনৰ ১১বজাত দিশপুৰ প্ৰেছ ক্লাবত "পৰাগজ্যোতি প্ৰকাশনৰ" ৰ উদ্যোগত আয়োজন কৰা হৈছে বুলি প্ৰকাশনৰ সচিব দীপক শৰ্মাই এক প্ৰেছ বিবৃতিত জানিব দিছে।

এই‌ অনুষ্ঠানতে "সাহিত্যিক দিলস্ লক্ষ্মীন্দ্ৰ সিংহ‌: ব্যক্তি আৰু ব্যক্তিত্ব" শীৰ্ষক এখনি গ্ৰন্থও উন্মোচন কৰা হ'ব। অনুষ্ঠানত কেইবাজনো বিশিষ্ট সাহিত্যিক, সাংবাদিক,‌ বুদ্ধিজীৱীয়ে অংশ ল'ব। সভাত সাহিত্য -সাংস্কৃতিক প্ৰেমী ৰাইজৰ উপস্থিতি উদ্যোক্তাসকলে কামনা কৰিছে।

Also Read: ১৫ ছেপ্টেম্বৰত তৃতীয় বৰ্গৰ নিযুক্তি পৰীক্ষা: তিনি হাজাৰ পদ, ১১লাখ পৰীক্ষাৰ্থী