ঢেকীয়াজুলি প্ৰেছ ক্লাবত ৰাষ্ট্ৰীয় প্ৰেছ দিৱস উদযাপন

ডিজিটেল সংবাদ,ওৰাং:  সাংবাদিকৰ বাবে উৎসৰ্গিত এটা বিশেষ দিন হৈছে ৰাষ্ট্ৰীয় প্ৰেছ দিৱস। সমগ্ৰ ৰাজ্যৰ লগতে ঢেকিয়াজুলি প্ৰেছ ক্লাবতো আজি ৰাষ্ট্ৰীয় প্ৰেছ দিৱস উদযাপন কৰা হয় ৷ এই উপলক্ষে পুৱাই পতাকা উত্তোলন কৰে ঢেকিয়াজুলি প্ৰেছ ক্লাবৰ ভাৰপ্ৰাপ্ত সভাপতি ধৰনী কেওঁটে ৷ ইয়াৰ পিছতেই শ্ৰদ্ধাঞ্জলি অনুষ্ঠান মুকলি কৰে প্ৰবীন সাংবাদিক ৰমেশ চন্দ্ৰ বৰাই ৷

ৰাষ্ট্ৰীয় প্ৰেছ দিৱসৰ লগত সংগতি ৰাখি ঢেকীয়াজুলি প্ৰেছ ক্লাবত আয়োজিত আলোচনা চক্ৰত ঢেকিয়াজুলি সম জিলাৰ সহ আয়ুক্ত সৃষ্টি কলিতা, লোকনায়ক অমিয় কুমাৰ দাস মহাবিদ্যালয় অধ্যক্ষ ড৹ শুকদেব অধিকাৰী, প্ৰবীন সাংবাদিক ৰমেশ চন্দ্ৰ বৰা, আটছাৰ কেন্দ্ৰ কাৰ্যনিৰ্বাহক মোহন তাঁতী, শোণিতপুৰ জিলা সাহিত্য সভাৰ সম্পাদক তথা ঢেকীয়াজুলি প্ৰেছ ক্লাবৰ উপসভাপতি দুলাল নাথে উপস্থিত থাকি বক্তব্য ৰাখে।

উক্ত আলোচনা চক্ৰত সাংবাদিক সকলক নিৰপেক্ষতাৰে আৰু সাহসীকতাৰে নিজৰ কৰ্তব্য পালন কৰাৰ আহ্বান জনাই ঢেকিয়াজুলি সম জিলাৰ সহ আয়ুক্ত সৃষ্টি কলিতাই ৷ আজিৰ সভাত শোণিতপুৰ জিলা জিলা ৰাভা ছাত্ৰ সন্থাৰ সভাপতি বিক্ৰম ৰাভা, শোণিতপুৰ জিলা আছাৰ সভাপতি আনন্দ তাঁতী উপস্থিত থাকে।

লগতে শোণিতপুৰ জিলা নেমছুৰ সম্পাদক আজমল হুছেইন, বাঙালী যুৱ ছাত্ৰ ফেডাৰেছন ঢেকিয়াজুলি আঞ্চলিকৰ সম্পাদক অজয় দে, সমাজকৰ্মী বাতাচ ওৰাং, পবিত্ৰ নাথ, জোলানী চুণ্ডী, কামিনী কাকতি, পশ্চিম শোণিতপুৰ সমাজ কল্যাণ সমিতিৰ সভাপতি সাহা জামাল, শোণিতপুৰ জিলা মুছলিম ছাত্ৰ সন্থাৰ কাৰ্যকৰী সভাপতি জামাল আলী আদিয়েও আজিৰ সভাত অংশ লয় ৷