বিশিষ্ট সমাজকৰ্মী ইন্দেশ্বৰ বৰগোহাঁইৰ দেহাৱসান...

ডিজিটেল সংবাদ,চৰাইদেউঃ চৰাইদেউ জিলাৰ এঙেৰা পানীজান অঞ্চলৰ বিশিষ্ট সমাজকৰ্মী তথা শ্যামজ্যোতি প্ৰাথমিক বিদ্যালয়ৰ প্ৰতিষ্ঠাপক প্ৰধান শিক্ষক ইন্দেশ্বৰ বৰগোহাঁই(৬৮)ৰ দেহাৱসান। দীৰ্ঘদিনীয়া অসুস্থতাৰ অন্তত সোমবাৰে নিশা নিজা বাসগৃহত সমাজকৰ্মীগৰাকীৰ পৰলোকপ্ৰাপ্তি ঘটে ।

প্ৰয়াত বৰগোহাঁই এঙেৰা শ্যাম জ্যোতি প্ৰাথমিক বিদ্যালয় প্ৰতিষ্ঠা কৰি ২০১৮ চনলৈকে প্ৰধান শিক্ষক হিচাপে শিক্ষকতা কৰাৰ লগতে বিভিন্ন সামাজিক-সাংস্কৃতিক দিশত সক্ৰিয়ভাৱে জড়িত হৈ এঙেৰা আৰু দ’লবাগান অঞ্চলৰ শৈক্ষিক উত্তৰণৰ বাবে অহোপুৰুষাৰ্থ চেষ্টা কৰিছিল ৷ মৃত্যু পূৰ্বে তেওঁ চৰাইদেউ শিক্ষক সন্মিলনী, জ্যেষ্ঠ নাগৰিক সন্মিলনী, চৰাইদেউ আঞ্চলিক উন্নতি সভাৰ সৈতে ওতপ্ৰোতভাবে জড়িত আছিল ৷

ইয়াৰ উপৰিও তেওঁ স্থানীয় ধৰ্মীয় অনুষ্ঠান লগতে ২০০৪ চনৰ পৰাই বৰগোহাঞি বংশাৱলীৰ লগত জড়িত আছিল। বহু সামাজিক কামকাজত সক্ৰিয়ভাৱে জড়িত হৈ পৰা বৰগোহাঁই বিয়োগত অঞ্চলটো শোকৰ ছাঁ পৰিছে ৷

Also Read: আৰক্ষীৰ জালত চিদলীৰ গাঁওৰক্ষী বাহিনীৰ সভাপতি