অতুল বৰাই কেইজনমান শ্ৰমিক নেতা কাষত বহুৱাই বোকাখাতত লুণ্ঠনৰ মেলা পাতিছে: জীৱন চন্দ্ৰ বৰা

ডিজিটেল সংবাদ,বোকাখাতঃ ৰাইজৰ দলৰ সভাপতি শিৱসাগৰৰ বিধায়ক অখিল গগৈক মন্ত্ৰী অতুল বৰাই 'বাওঁপন্থী' বুলি কৰা কটাক্ষক তীব্ৰ প্ৰত্যাহ্বান ৰাইজৰ দলৰ ৰাইজৰ দলৰ কেন্দ্ৰীয় উপ সভাপতি জীৱন চন্দ্ৰ বৰাৰ।

তেওঁ কয় যে, 'আঞ্চলিকতাবাদী অগপক বিজেপিৰ ওচৰত বন্ধকত দি মন্ত্ৰী অতুল বৰাৰ এই সমালোচনাৰ নৈতিক অধিকাৰ নাই। অখিল গগৈয়ে অসমৰ সৰ্বহাৰৰ বাবে মাত মাতি আহিছে, তেওঁৰ কামকাজত আঞ্চলিকতাবাদী চৰিত্ৰ আছে নে নাই অসমৰ ৰাইজে জানে'।

আনহাতে অতুল বৰাই কেইজনমান শ্ৰমিক নেতা কাষত বহুৱাই বোকাখাত বিধানসভা সমষ্টিত লুণ্ঠনৰ মেলা পাতিছে বুলিও মন্ত্ৰী অতুল বৰাই তেওঁৰ গৃহ সমষ্টিটি বোকাখাতত কৰা কামকাজ সন্দৰ্ভত এই সমালোচনা কৰে ৰাইজৰ দলৰ কেন্দ্ৰীয় উপ সভাপতি গৰাকীয়ে।

দেওবাৰে বোকাখাত বিধান সভা সমষ্টিৰ ৰঙাগৰা চাহ বাগিছাত ৰাইজৰ দলৰ এটি যোগদান কাৰ্যসূচীত এই প্ৰতিক্ৰিয়া আগবঢ়াই কেন্দ্ৰীয় উপ সভাপতি গৰাকীয়ে।

ইফালে ৫০ জনৰো অধিক চাহ বাগিছা শ্ৰমিকে ৰাইজৰ দলত কৰা যোগদান অনুষ্ঠানটোতে অনাগত পঞ্চায়ত নিৰ্বাচনত বোকাখাত বিধান সভা সমষ্টিৰ প্ৰায়বোৰ পঞ্চায়ততে ৰাইজৰ দলে প্ৰতিদণ্ডিতা কৰাৰো ইংগিত দিয়ে ৰাইজৰ দলৰ মহকুমা সমিতিৰ উপ সভাপতি জীৱন শইকীয়া আৰু ৰাজ্যিক যুৱ বাহিনীৰ সম্পাদক বুবুল দাসে।

উল্লেখযোগ্য যে কাজিৰঙাৰ ইংলে পথাৰৰ প্ৰস্তাৱিত পঞ্চতাৰকা হোটেলৰ নামত চৰকাৰে থলুৱা আদিবাসী পৰিয়ালৰ ভূমি অবৈধ ভাৱে দখল কৰা কাৰ্যক ৰাইজৰ দলে বিৰোধিতা কৰি যোৱা বুলিও মন্তব্য কৰে ৰাইজৰ দলৰ কেন্দ্ৰীয় উপ সভাপতি জীৱন চন্দ্ৰ বৰাই।