নিৰ্মল হালৈ মহাবিদ্যালয়ৰ নৱ নিৰ্মিত ভৱন উদ্বোধন কৰিলে ৰণজিৎ কুমাৰ দাসে...

ডিজিটেল সংবাদ, পাটাছাৰকুছিঃ পাটাছাৰকুছিৰ উচ্চ শিক্ষাৰ একমাত্ৰ শিক্ষানুষ্ঠান নিৰ্মল হালৈ মহাবিদ্যালয়ত নৱনিৰ্মিত ভৱন এটা সোমবাৰে উদ্বোধন কৰা হয় ৷ মহাবিদ্যালয়খনলৈ অসম চৰকাৰৰ “ৰাষ্ট্ৰীয় উচ্চতৰ শিক্ষা অভিযান ২.০ ” চমুকৈ “ৰুছা ২.০” আঁচনিৰ অধীনত অনুদান হিচাপে আগবঢ়োৱা দুই কোটি টকাৰ এক কোটি টকাৰে নিৰ্মিত এই ভৱনটো উদ্বোধন কৰে স্থানীয় বিধায়ক তথা অসম চৰকাৰৰ কেবিনেট মন্ত্ৰী ৰণজিৎ কুমাৰ দাসে ৷

ভৱন উদ্বোধন কৰি দিয়া ভাষণত মন্ত্ৰীগৰাকীয়ে কয় যে “ মহাবিদ্যালয়খনত বিজ্ঞান শাখা প্ৰৱৰ্তন কৰাৰ বাবে চেষ্টা কৰি থকা হৈছে আৰু কাৰিকৰী অসুবিধাৰ বাবেহে হৈ উঠা ৷ এই কাৰিকৰী অসুবিধা দুৰ কৰিব পাৰিলেই মহাবিদ্যালয়খনত বিজ্ঞান শিক্ষাৰ আৰম্ভ হ’ব ৷ ” তেওঁ লগতে মহাবিদ্যালয়খনৰ পৰিৱেশ ভাল বুলি কৈ মহাবিদ্যালয়খনত থকা প্ৰেক্ষাগৃহটো আধুনিকভাৱে সকলো সুবিধা থকা এটা উন্নত মানৰ প্ৰেক্ষাগৃহ হিচাপে নিৰ্মাণ কৰিব বুলি মন্তব্য কৰে৷

মহাবিদ্যালয়খনৰ পৰিচালনা সমিতিৰ সভাপতি নৃপেন্দ্ৰ কুমাৰ বৰ্মনৰ সভাপতিত্বত অনুষ্ঠিত হোৱা উদ্বোধনী সভাত মহাবিদ্যালয়খনৰ সদ্য অৱসৰপ্ৰাপ্ত অধ্যক্ষ ডঃ ভূপেশ শৰ্মাইয়ো অংশগ্ৰহণ কৰে ৷ মহাবিদ্যালয়খনৰ জ্যেষ্ঠ অধ্যাপক জিতেন্দ্ৰ নাথ ভাগৱতীয়ে আঁত ধৰা উক্ত সভাত উপস্থিত থকা সকলোকে শলাগৰ শৰাই আগবঢ়ায় মহাবিদ্যালয়খনৰ অধ্যক্ষ ডঃ কৌশিক কুমাৰ ডেকাই ৷ তেওঁ লগতে এই ২কোটি টকাৰ বাকী থকা টকাৰে খেলৰ সামগ্ৰী , কম্পিউটাৰ ছেট ক্ৰয়ৰ উপৰিও আন আন শিতানৰ বাবে ধাৰ্য্য কৰা বুলি অৱগত কৰে ৷

Also Read: শিৱসাগৰত মৰেল পুলিচিঙত নিহত এজন...