নগাঁৱত উত্তেজনা : ইটাচালি আৰক্ষী চকী ঘেৰাও শ শ জনতাৰ

ডিজিটেল সংবাদ,নগাঁও : নগাঁৱত উত্তেজিত জনতাই ঘেৰাও কৰিলে ইটাচালী আৰক্ষী চকী ৷ সুৰজিত দে নামৰ বাৰৰ স্বত্বাধিকাৰীক গ্ৰেপ্তাৰৰ দাবীত উত্তাল থানাৰ সন্মুখ।

নগাঁৱৰ ডিমৰুগুৰিৰ পৰা সমদল কৰি ৰাইজ ওলাই আহি থানাৰ সন্মুখত সৃষ্টি কৰে উত্তাল পৰিৱেশ ৷ সুৰজিত দেক গ্ৰেপ্তাৰ নকৰা পৰ্যন্ত এই প্ৰতিবাদ অব্যাহত থকাৰ হুংকাৰ ৷

উল্লেখ্য যে কিছুদিন পূৰ্বে দুলু দাস নামৰ এগৰাকী বৃদ্ধাক সুৰজিত দেয়ে নিৰ্মমভাৱে প্ৰহাৰ কৰিছিল। ইয়াৰ পাছতেই সুৰজিত দেৰ গ্ৰেপ্তাৰৰ বাবে আৰক্ষীক তিনিদিনৰ সময়সীমা বান্ধি দিয়া হৈছিল ৷ পিছে সময় সীমা উকলি যোৱাৰ পাছতো অভিযুক্তক গ্ৰেপ্তাৰ নকৰা বাবেই সৃষ্টি হয় এই পৰিস্থিতি । নগাঁও আৰক্ষীলৈ অভিযোগৰ আঙুলি টোঁৱাইছে জনতাই ।

Also Read: বাওঁপন্থী নেতা প্ৰয়াত বলো বৰাৰ স্মাৰক গ্ৰন্থ যুগাগ্ৰগামী বলো বৰা উন্মোচন