দদৰাত ছাত্ৰ-ছাত্ৰীৰ মাজত জাতীয় পতাকা বিতৰণ জৱাহৰলাল মঞ্চৰ

ডিজিটেল সংবাদ,হাজোঃ স্বাধীনতা দিৱস উপলক্ষে দদৰাত ছাত্ৰ-ছাত্ৰীৰ মাজত জাতীয় পতাকা বিতৰণ জৱাহৰলাল মঞ্চৰ। কামৰূপ জিলা সমিতিৰ উদ্যোগত ছাত্ৰ ছাত্ৰী সকলৰ মাজত বিতৰণ কৰা হয় পতাকা আৰু চকলেট।

এই অনুষ্ঠানত জিলা সমন্বয়ক কিশোৰ কলিতাৰ লগতে মুখ্য অতিথি হিচাপে উপস্থিত থাকে ৰাজ্যিক সমন্বয়ক ইণ্টজুৰ ৰহমান। লগতে অংশগ্ৰহণ কৰে সেৱা দলৰ হাজো ব্লকৰ সাধাৰণ সম্পাদক আইনুৰদ্দিন আহমেদ আৰু দদৰা মণ্ডলৰ সভাপতি মুকুট চৌধুৰী।

উক্ত অনুষ্ঠানত স্বাধীনতা সংগ্ৰামী সকলৰ অৱদানৰ ওপৰত আলোকপাত কৰে। দেশপ্ৰেম মূলক গীত,নৃত্যৰে অনুষ্ঠানটো আৰু অধিক জীপাল হৈ পৰে।

Also Read: অসম আৰক্ষীৰ ১৩গৰাকী বিষয়া-জোৱানক বিশেষ পাৰদৰ্শিতাৰ বঁটা...