কলকাতাত পুনৰ ভয়ংকৰ ঘটনাঃ সুৰাৰ ৰাগীত মাতাল জনপ্ৰিয় অভিনেতাৰ এই কাণ্ড...

ডিজিটেল ডেস্কঃ সুৰাৰ ৰাগিত মাতাল হৈ জনপ্ৰিয় অভিনেতাই গাড়ীৰে মহতিয়াই নিলে এগৰাকী যুৱকক। নিশা কামৰ পৰা উভতি অহা এজন যুৱকক এগৰাকী জনপ্ৰিয় অভিনেতাৰ বাহনে মহতিয়াই নিয়া কাৰ্যক লৈ পুনৰ তীব্ৰ উত্তেজনাই বিৰাজ কৰিছে কলকাতাত। আৰ জি কৰ হস্পাতাল কাণ্ডই সমগ্ৰ দেশ জোকাঁৰি যোৱাৰ সময়তে এই ভয়ংকৰ ঘটনাই পুনৰ চেপা উত্তেজনা বিৰাজ কৰিছে কলকাতা।

ৰাষ্ট্ৰীয় সংবাদ মাধ্যমত প্ৰকাশিত খবৰ অনুসৰি, টলীউডৰ জনপ্ৰিয় অভিনেতা সম্ৰাট মুখাৰ্জীৰ গাড়ীয়ে খুন্দিওৱাৰ ফলত বাইক আৰোহীজন আহত হয়। নিশা প্ৰায় ১ বজাত বেহালা থানাৰ অন্তৰ্গত মুচিপাৰা ৰোডত সংঘটিত হৈছে এই ভয়ংকৰ পথ দুৰ্ঘটনা। যুৱকজন কাৰ্যালয়ৰ পৰা ঘৰলৈ উভতি অহাৰ সময়তে বিপৰীত দিশৰ পৰা অহা সম্ৰাটৰ বাহনে তীব্ৰ বেগেৰে যুৱকজনৰ বাহনত খুন্দা মাৰে।

সংকটজনক অৱস্থাত আহত যুৱকজনক প্ৰথমে এম আৰ বাংগুৰ হাস্পতাললৈ ভৰ্তি কৰা হৈছিল যদিও, পৰৱৰ্তী সময়ত SSKMA ট্ৰ’মা কেয়াৰত ভৰ্তি কৰা হয়। অভিযোগ অনুসৰি টলীউদৰ জনপ্ৰিয় অভিনেতা সম্ৰাট মুখাৰ্জীয়ে সুৰাপান কৰি বাহন চলাই আহিছিল। দুৰ্ঘটনাৰ পিছতে অভিনেতা সম্ৰাট মুখাৰ্জীৰ বিৰুদ্ধে বেহেলা থানাত এজাহাৰ দাখিল কৰিছে ভুক্তভোগী যুৱকজনৰ পৰিয়ালে। এই দুঘটনাৰ পিছতে ভুক্তভোগী পৰিয়ালৰ অভিযোগৰ ভিত্তিত গ্ৰেপ্তাৰ কৰে অভিনেতা সম্ৰাট মুখাৰ্জীক।

Also Read: ৰাধিকা ৰাজেঃ আম্বানীৰ ঘৰতকৈ ১০গুণ ডাঙৰ অট্টালিকাত বাস কৰা ভাৰতৰ ধুনীয়া ৰাণীগৰাকী...