প্ৰচণ্ড শীত সহ্য কৰিব নোৱাৰি লামডিং ষ্টেচনত দুই মগনিয়াই হেৰুৱালে প্ৰাণ...

ডিজিটেল সংবাদ লামডিঙঃ আজি লামডিং ৰে'লৱে জংচনত দুটাকৈ অচিনাক্ত মৃতদেহ উদ্ধাৰ হয় ৷ জানিব পৰামতে জংচনৰ প্লেট ফৰ্ম নম্বৰ ১ ত জি আৰ পিৰ এটা দলে তহল দি থকাৰ সময়তে এগৰাকী ৪৫ বছৰীয়া মহিলা আৰু এজন ৫০ বছৰীয়া উলংগ অৱস্থাত থকা ব্যক্তি একে স্থনতে লৰচৰ নকৰাকৈ শুই থকা অৱস্থাত দেখে ৷

পৰৱৰ্তী সময়ত ভালদৰে দুয়োকে প্ৰত্যক্ষ কৰাত দেখা পায় যে, প্ৰচণ্ড শীতৰ প্ৰকোপট হয়তো নিশাৰ ভিতৰেই মহিলাগৰাকীৰ আৰু লোকজনৰ কৰুণ মৃত্যু হয় ৷ ৰে'ল আৰক্ষীয়ে জনোৱা অনুসৰি দুয়ো লামডিঙ জংচনৰ ভিতৰতে বিগত বহু দিন ধৰি মগনিয়া হিচাপে আছিলে ৷

ঠাণ্ডা সহ্য কৰিব নোৱাৰি আজি দুয়োৰে মৃত্যু ঘটে বুলি জনায় ৷ ৰে'ল আৰক্ষী দুয়োৰে মৃতদেহ উদ্ধাৰ কৰি ডিফু অসামৰিক চিকিৎসালয়লৈ মৰোণোত্তৰ পৰীক্ষাৰ বাবে প্ৰেৰণ কৰে ৷

ক্লিক কৰি পঢ়কঃ হত্যাৰ নিচা ! পত্নীক জ্বলাই হত্যা কৰি গৈছিল জে'ললৈ, মুকলি হৈ আহি হত্যা কৰিলে মাতৃক...