ডিজিটেল সংবাদ,শোণিতপুৰঃ শোণিতপুৰত অব্যাহত আছে বনৰীয়া হাতীৰ তাণ্ডৱ। সোমবাৰে পুৱতি নিশাৰ পৰা চাৰিদুৱাৰৰ অন্তৰ্গত ননকে,বাকোলা,মৰিসুঁতি আদি গাঁৱত তাণ্ডৱ চলাই আছে এটা বনৰীয়া হাতীয়ে ৷ অঞ্চলটোত অত্যাচাৰ চলাই ২০ তাতকৈ অধিক বাসগৃহ ভাঙি ত্ৰাহি মধুসুদন সোঁৱৰাইছে গঞা ৰাইজক।
ঘৰ-দুৱাৰৰ লগতে মন্দিৰৰ বাসগৃহ ভাঙি লণ্ডভণ্ড কৰে বনৰীয়া হাতীটোৱে৷ নামেৰী ৰাষ্ট্ৰীয় উদ্যানৰ পৰা খাদ্যৰ সন্ধানত নিশা ওলাই অহা বনৰীয়া হাতীৰ আক্ৰমণত বিগত সময়ত মৃত্যু হৈছে বহুলোকৰ৷
যোৱা নিশাও হাতীৰ জাকৰ পৰা ফালৰিকাটি অহা এটা প্ৰকাণ্ড বনৰীয়া হাতীয়ে গাঁও সমূহত প্ৰৱেশ কৰি তাণ্ডৱ চলায়৷ স্থানীয় ৰাইজৰ অভিযোগ হাতী খেদাত ব্যৰ্থ বন বিভাগ।
