ফকিৰগঞ্জত বুজন পৰিমাণৰ বিলাতী সুৰা জব্দঃ এজনক আটক

ডিজিটেল সংবাদ,ফকিৰগঞ্জঃ দক্ষিণ শালমাৰাৰ অন্তৰ্গত ফকিৰগঞ্জ আৰক্ষী থানাৰ এটা দলে বুধবাৰে নিশা আইৰকাটা ফলিমাৰীত গোপন সূত্ৰৰ পম খেদি বিলাতী সুৰাৰ বিৰুদ্ধে অভিযান চলায়। আৰক্ষীয়ে অভিযানত বৃহৎ পৰিমাণৰ বিলাতী সুৰা জব্দ কৰিবলৈ সক্ষম হয়।কাবাইটাৰীৰ পৰা এখন সুৰা ভৰ্তি ট্ৰাক ফকিৰগঞ্জ অভিমুখী আহি থকা সময়তে আৰক্ষীয়ে ট্ৰাকৰ লগতে চালক ইছা মুদ্দিনক আটক কৰে।

আৰক্ষীয়ে আটক কৰা ট্ৰাক খনৰ নম্বৰ এএছ ২৫ এফচি ০৬১৮। আটকাধীন চালক ইছা মুদ্দিনক বৰ্তমান সোধা-পোছা অব্যাহত ৰাখিছে ফকিৰগঞ্জ থানাৰ আৰক্ষীয়ে। অভিযান কালত আৰক্ষীয়ে ৩১৯২ টা ৰ'য়েল ষ্টেগৰ সৰু বটল আৰু ১৫,৩৬০ টা ৰ'য়েল ষ্টেগৰ ডাঙৰ বটল জব্দ কৰে।

Also Read: ৱায়নাডত বৰষুণৰ মাজতে উপস্থিত হ'লগৈ ৰাহুল-প্ৰিয়ংকা...