মঙলদৈত অঘটন : বাঘৰ আক্ৰমণত আহত মহিলা

ডিজিটেল সংবাদ, মঙলদৈ : মঙলদৈ ননকে গৰাপৰিত শুকুৰবাৰে বাঘৰ আক্ৰমণৰ এক ঘটনা সংঘটিত হয়। বাঘৰ আক্ৰমণত গুৰুতৰভাৱে আহত হয় এগৰাকী মহিলা। আঘাতপ্ৰাপ্ত মহিলাগৰাকী উৰফুলি বেগম বুলি জানিব পৰা গৈছে।

পথাৰত কাম কৰি থকা স্বামীক খাদ্য দি ঘৰলৈ উভতাৰ সময়ত মাকৈ খেতিৰ পৰা হঠাতে এটা বাঘে ওলাই আহি আক্ৰমণ কৰা বুলি জানিব দিয়ে। আহত অৱস্থাত মঙলদৈ অসামৰিক চিকিৎসালয় ভৰ্তি কৰাই যদিও গুৰুতৰভাৱে আহত মহিলাগৰাকীক জি এম চি এইছলৈ প্ৰেৰণ কৰা হ’ব বুলি জনায়।

এই ঘটনাৰ পাছতে এতিয়া ননকে গৰাপৰি অঞ্চলৰ ৰাইজৰ মাজত আতংকৰ সৃষ্টি হৈছে। উল্লেখযোগ্য যে ওৰাং ৰাষ্ট্ৰীয় উদ্যানৰ পৰা বাঘটো ওলাই অহাৰ সন্দেহ কৰিছে ৰাইজে।

Also Read: ট্ৰাম্পক বিজয়ী শুভেচ্ছা দি ইউক্ৰেইনৰ ৰাষ্ট্ৰপতি জেলেনস্কিয়ে ক'লে- দমন কৰক ৰাছিয়াক