ৰঙিয়াত সঙ্গীত গ্ৰুপ অফ ক্ৰিয়েচনৰ অভিনয় কৰ্মশালা...

ডিজিটেল সংবাদ, ৰঙিয়া: সপ্তাহ যোৰা প্ৰশিক্ষণৰ অন্তত সোমবাৰে ৰঙিয়াত সঙ্গীত গ্ৰুপ অফ ক্ৰিয়েচনৰ উদ্যোগত অনুষ্ঠিত অভিনয় কৰ্মশালাৰ সফল সামৰণি ঘটে ।স্থানীয় আই টি আই প্ৰেক্ষাগৃহত তদুপলক্ষে অনুষ্ঠিত কৰা হয় বিস্তৃত সাংস্কৃতিক কাৰ্যসূচী। তদুপলক্ষে ৰক্তিমা ডেকা বৰুৱাই বন্তি প্ৰজ্বলন কৰাৰ পিছত অনুষ্ঠানটি উদ্বোধন কৰে চলচ্চিত্ৰ প্ৰযোজক অজিত বৰ্মনে।

গীত নৃত্য আৰু অভিনয়ৰ ৰসৰে ৰসাল কৰি তোলা সাংস্কৃতিক অনুষ্ঠানটিত বিশিষ্ট অতিথিৰূপে উপস্থিত থাকে স্থানীয় বিধায়ক ভৱেশ কলিতাৰ লগতে আছুৰ প্ৰাক্তন উপ সভাপতি ধৰ্মেশ্বৰ দাস, সমাজসেৱী জ্যোতিৰ্ময় শৰ্মা প্ৰমুখ্যে আন কেইবাগৰাকী বিশিষ্ট লোক। কৰ্মশালা পৰিচালনা সমিতিৰ সভাপতি নিপন ভূঞা, সম্পাদক তথা বিশিষ্ট পৰিচালক পঙ্কজ পল্লৱ শৰ্মা আৰু সাংস্কৃতিক কৰ্মী চাকিল আহমেদৰ লগতে আই টি আই কৰ্তৃপক্ষৰ হৈ ধ্ৰুৱজ্যোতি কলিতাই পৰিচালনা কৰা মনোমোহা অনুষ্ঠানটিত ৰঙিয়াৰ ভিন্ন প্ৰান্তৰ পৰা কলানুৰাগী ৰাইজ উপস্থিত থাকি সৌষ্ঠৱ বৃদ্ধি কৰে ।

Also Read: চিৰাঙৰ কদমতলাত আক্ৰাছুৰ প্ৰতিষ্ঠা দিৱস উদযাপন...