কালৰো কাল বিপৰীত কাল ! ছ’চিয়েল মেডিয়াত ভাইৰেল মাছে মেকুৰীক আক্ৰমণৰ ভিডিঅ’

ডিজিটেল ডেস্ক: শেহতীয়াকৈ এটা বিশেষ ভিডিঅ’ ছ’চিয়েল মেডিয়াত ভাইৰেল হৈ পৰিছে।সঁচা কথা ক'বলৈ গ’লৈ ভিডিঅ’টো অতি হাস্যকৰ।হয়, এই ভিডিঅ’টোত দেখা পোৱা গৈছে যে এটা মেকুৰীক মাছে আক্ৰমণ কৰিছে।

হয়, এই ভিডিঅ'টো @softcatmemes নামৰ ইনষ্টাগ্ৰাম পেজটোয়ে শ্বেয়াৰ কৰিছে।খুব কম সময়তে ভাইৰেল হৈ পৰা এই ভিডিঅ’টোত দেখা গৈছে যে, এটা মেকুৰীয়ে পুখুৰীত জাঁপ মাৰিছে আৰু তাৰ পাছতেই পুখুৰীটোত থকা মাছখিনিয়ে মেকুৰীটোৰ শৰীৰত এক প্ৰকাৰ আক্ৰমণেই চলাইছে। মেকুৰীটোয়ে ভয় খাই নিজকে বচাবলৈ বেগেতে সাঁতুৰিছে আৰু অৱশেষত এটা শিলৰ ওপৰত জঁপিয়াই নিজৰ প্ৰাণ ৰক্ষা কৰিছে। 

মাছৰ ভয়ত মেকুৰীৰ এই অৱস্থা দেখি স্বাভাৱিকভাৱেই ছ’চিয়েল মেডিয়া ব্যৱহাৰকাৰীসকলে প্ৰতিক্ৰিয়া প্ৰকাশ কৰিছে।এজনে লেখিছে, ‘মই আগতে কেতিয়াও মেকুৰী এনেদৰে সাঁতুৰি থকা দেখা নাই।’ আন এজনে লেখিছে, ‘মেকুৰীটোয়ে ছাগৈ ভাবিছিল, সি মাছকেইটা খাব পাৰিব, কিন্তু প্ৰকৃততে তাৰ ওলোটা প্ৰতিচ্ছবি এখনে দেখা গ’ল। বেচেৰা মেকুৰী !’ আনহাতে, অধিকাংশই এই ভিডিঅ’টোক আমোদজনক বুলিহে আখ্যা দিয়ে।

Also Read: আচৰিত ! জ্যোতিষীয়ে মৃত্যুৰ ভৱিষ্যতবাণী কৰাৰ পাছতেই মৃত্যুক আকোৱালি ল’লে মহিলাই