যদি আপুনি অসুস্থ, ভ্ৰমণ কৰক এই মন্দিৰ

ডিজিটেল ডেস্ক: বিশ্বাস মতে, ভগৱান হনুমানক আৰাধনা কৰিলে ভক্তৰ দুৰ্যোগ আৰু ভয় দূৰ হয়। আমাৰ দেশত ভক্তই ভগৱান হনুমানক বিভিন্ন ৰূপত উপাসনা কৰে।হয়, মধ্য প্ৰদেশত  ভগৱান হনুমানক চিকিৎসকৰ ৰূপত উপাসনা কৰে। শুনিবলৈ আচৰিত যেন লাগিলেও এয়া সত্য।মধ্যপ্ৰদেশত এনে এটা মন্দিৰ আছে, যি মন্দিৰক 'ডাঃ হনুমান মন্দিৰ' হিচাপে জনা যায়। এই মন্দিৰত থকা হনুমানজীৰ মূৰ্তিক ভক্তই চিকিৎসক হিচাপে গণ্য কৰে, যিয়ে ভক্তসকলৰ প্ৰতিটো ৰোগৰ চিকিৎসা কৰে।

এই আচৰিত মন্দিৰটো মধ্য প্ৰদেশৰ ভিন্দ জিলাৰ 'দন্দ্ৰুৱা ধাম'ত অৱস্থিত। দেশ-বিদেশৰ বহু ভক্তই এই মন্দিৰলৈ চিকিৎসা কৰিবলৈকে আহে। এই মন্দিৰত হনুমানজীয়ে নিজে চিকিৎসক হৈ ৰোগীৰ চিকিৎসা কৰে। ডাঃ হনুমানে কৰ্কট, টিবি আদিৰ দৰে বহু ভয়াৱহ ৰোগ নিৰাময় কৰে। ৫টা মঙলবাৰে একেৰাহে এই মন্দিৰ দৰ্শন কৰিলে ভক্তই সকলো প্ৰকাৰৰ ৰোগৰ পৰা মুক্তি পাব পাৰে।

স্থানীয় বাসিন্দাৰ মত অনুসৰি, সেই ঠাইত শিৱকুমাৰ দাস নামৰ এজন সন্ন্যাসী আছিল।তেওঁ দীৰ্ঘদিন ধৰি কৰ্কট ৰোগত আক্ৰান্ত আছিল।এদিন হনুমানজী এজন চিকিৎসকৰ ছদ্মবেশত এই ৰোগীজনৰ ওচৰত উপস্থিত হৈ তেওঁৰ ডিঙিত ষ্টেথোস্কোপ ৰাখিছিল। ভগৱান হনুমানৰ এই ৰূপ দৰ্শনৰ পিছতে সন্ন্যাসীজন সম্পূৰ্ণৰূপে সুস্থ হৈ পৰিছিল। তেতিয়াৰ পৰা এই মন্দিৰটো  'ডাঃ হনুমান মন্দিৰ' হিচাপে বিখ্যাত হৈ পৰে।উল্লেখ্য যে, এইটোয়ে ভাৰতৰ একমাত্ৰ মন্দিৰ, য’ত ভগৱান হনুমানৰ মূৰ্তিটো নৃত্যৰ ভঙ্গীত আছে।

Also Read: বিশ্বৰ এইবোৰ উৎসৱৰ বিষয়ে জানিলে আপুনিও হ'ব আচৰিত