ডিজিটেল ডেস্ক: হিন্দু ধৰ্মত সপ্তাহৰ প্ৰতিটো দিনেই কোনো কোনো দেৱতাৰ বাবে উৎসৰ্গিত। ভগৱান বিষ্ণুক বৃহস্পতিবাৰৰ দিনটোত উপাসনা কৰা হয়।এই দিনটোত তেওঁক উপাসনা কৰিলে জীৱনৰ সকলো সমস্যা আৰু দুখ আঁতৰ কৰা হয় বুলি বিশ্বাস কৰা হয়। যদি ভগৱান বিষ্ণুৰ কৃপা আপোনাৰ ওপৰত থাকে, তেন্তে আপুনি জীৱনত একোৰে অভাৱ অনুভৱ নকৰে। পুৰাণৰ মতে, ভগৱান বিষ্ণুৰ উপাসনা কৰিলে মা লক্ষ্মীও সুখী হয়। সেয়েহে, যদি আপুনি ভগৱান বিষ্ণুক ৰীতি-নীতিৰে উপাসনা কৰে, তেন্তে আপুনি মা লক্ষ্মীৰো আশীৰ্বাদ প্ৰাপ্ত হ’ব পাৰে।
উপাসনাৰ পদ্ধতি
ভগৱান বিষ্ণুক সন্তুষ্ট কৰিবলৈ বৃহস্পতিবাৰে সূৰ্য্যোদয়ৰ আগতে উঠি গা ধুব।গা ধুই পৰিস্কাৰ কাপোৰ পিন্ধাৰ পিছত এখন চাফা কাপোৰত ভগৱান বিষ্ণুৰ মূৰ্তিটো স্থাপন কৰি চাকি-ধুপ আগবঢ়াব। ভগৱান বিষ্ণুৰ হালধীয়া ৰং অতি প্ৰিয়। সেয়েহে, তেওঁক হালধীয়া ফুল আৰু হালধীয়া ফল আগবঢ়াব লাগে। ইয়াৰ পিছতে বিষ্ণুৰ আৰতি কৰিব। বৃহস্পতিবাৰে কল গছৰ উপাসনাৰো বিশেষ গুৰুত্ব আছে।সেয়েহে, যদি সম্ভৱ হয় এই দিনটোত কল গছৰ পূজাও কৰিব।
এইসমূহ দিশতো মন কৰিব
১) বৃহস্পতিবাৰে ঈশ্বৰৰ আশীৰ্বাদ লাভ কৰিবলৈ বৃদ্ধ লোকক অন্ন আগবঢ়াই তেওঁৰ পৰা আশীৰ্বাদ বিচাৰিব।
২) বৃহস্পতিবাৰে হালধীয়া কাপোৰ পিন্ধাটো অতি শুভ বুলি গণ্য কৰা হয়। এইটো বিশ্বাস কৰা হয় যে এই দিনটোত হালধীয়া কাপোৰ পিন্ধিলে ভাগ্যৰ দুৱাৰ মুকলি হয়।
৩) বিবাহৰ বাধা, বৈবাহিক জীৱনৰ সমস্যা আঁতৰাবলৈ বৃহস্পতিবাৰে উপবাস ৰাখিব।
৪) যদি গুৰু দশা থাকে, বৃহস্পতিবাৰে পানীত হালধি দি গা ধুব লাগে। ই গুৰু দশা হ্ৰাস কৰে।
৫) এই দিনটোত ধৰ্মীয় কিতাপ দান কৰাটোও শুভ বুলি গণ্য কৰা হয়।
৬) বৃহস্পতিবাৰে মন্দিৰত কেশৰ আৰু বুটৰ দাইল দান কৰিলেও ইশ্বৰৰ আশীৰ্বাদ প্ৰাপ্ত হয়।
