![চিৰদিনলৈ হেৰুৱাব পাৰে দৃষ্টিশক্তি, সাৱধান হওঁক](http://media.assettype.com/asomiyapratidin%2F2023-10%2Fb9600aa9-7abf-4d0d-b31f-0843672fdb30%2FAP_FOR_WEB__phone.jpg?w=480&auto=format%2Ccompress&fit=max)
ডিজিটেল ডেস্ক: ম’বাইল অবিহনে জীয়াই থকাটো আজিকালি এক প্ৰকাৰ অসম্ভৱ হৈ পৰিছে।অধিকাংশৰে স্মাৰ্টফোনৰ প্ৰতি আসক্তি ইমানেই বাঢ়িছে যে, যদি আপুনি ইয়াক অলপ সময়ৰ বাবে ব্যৱহাৰ নকৰে, তেন্তে দিনটো পাৰ কৰা টান হৈ পৰে। দীঘলীয়া সময়ৰ বাবে ম’বাইল ফোন ব্যৱহাৰ কৰাটো চকুৰ বাবে বিপদজনক হ'ব পাৰে। ইয়াৰ ফলত আপুনি স্মাৰ্টফোন ভিজন চিণ্ড্ৰোমৰ ভুক্তভোগী হ'ব পাৰে। স্মাৰ্টফোন ভিজন চিণ্ড্ৰোমৰ লক্ষণ আৰু ই চকুক কিদৰে ক্ষতি কৰে, আজি সেই বিষয়ে জানো আহক-
স্মাৰ্টফোন ভিজন চিণ্ড্ৰোম কি?
দীঘলীয়া সময়ৰ বাবে ম’বাইল ফোন ব্যৱহাৰ কৰাৰ বাবে মানুহৰ চকুত সমস্যা হ'বলৈ আৰম্ভ কৰে, ইয়াকেই সাধাৰণতে স্মাৰ্টফোন ভিজন চিণ্ড্ৰোম বুলি কোৱা হয়।যেতিয়া এজন ব্যক্তিৰ স্মাৰ্টফোন ভিজন চিণ্ড্ৰোম থাকে, তেওঁৰ বহু গুৰুতৰ চকুৰ সমস্যাত ভূগিব পাৰে।স্মাৰ্টফোন ভিজন চিণ্ড্ৰোমক কম্পিউটাৰ ভিজন চিণ্ড্ৰোম আৰু ডিজিটেল ভিজন চিণ্ড্ৰোম বুলিও কোৱা হয়। যদি ইয়াক উপেক্ষা কৰা হয়, ই দৃষ্টিশক্তি কাঢ়ি নিব পাৰে।যদিও বিশেষজ্ঞসকলে কয় যে ম'বাইল আৰু অন্ধত্বৰ বিষয়ে কোনো নিৰ্দিষ্ট অধ্যয়ন বৰ্তমানলৈ হোৱা নাই, তথাপিও আপুনি কিছুমান দিশত বিশেষ যত্ন লৈ নিজকে ইয়াৰ বিপদজনক লক্ষণৰ পৰা সুৰক্ষিত কৰিব পাৰে।
স্ক্ৰীণৰ উজ্জ্বলতা কম ৰাখিব
ফোনটোৰ অত্যাধিক পোহৰ চকুৰ বাবে ভাল নহয়, সেয়েহে ফোনটোৰ স্ক্ৰীণৰ উজ্জ্বলতা কম ৰাখিব। আপুনি স্বয়ংক্ৰিয় উজ্জ্বলতা ছেটিং অন কৰিও ৰাখিব পাৰে। এনে কৰাৰ ফলত স্ক্ৰীণৰ উজ্জ্বলতা আপোনাৰ প্ৰয়োজন অনুসৰি হ'ব। এই ধৰণৰ উজ্জ্বলতাই আপোনাৰ চকুত কোনো প্ৰভাৱ পেলাব নোৱাৰে।
আপোনাৰ চকু টিপি থাকিব
আপোনাৰ চকু একেৰাহে ফোনত ৰখাটো সঠিক নহয়। এনে পৰিস্থিতিত যদি আপুনি অধিক ফোন ব্যৱহাৰ কৰে, স্ক্ৰীণখন চাই থাকোতে চকুটো সঘনাই টিপি থাকিব।
ফোনৰ পৰা দূৰত্ব ৰাখিব
স্মাৰ্টফোনৰ ব্যৱহাৰ যিমান পাৰে কম কৰিবলৈ চেষ্টা কৰিব। যদি ই আপোনাৰ বাবে সম্ভৱ নহয়, তেতিয়া চকুৰ পৰা কমেও ১৬-১৮ ইঞ্চি দূৰত্বৰ পৰা ফোনটো ব্যৱহাৰ কৰক। কিবা সমস্যা হ'লে স্ক্ৰীণখন জুম কৰি ল’ব।
আখৰৰ আকাৰ ডাঙৰ কৰি ৰাখিব
ফোনটোৰ সৰু আখৰৰ বাবে চকুৰ ওপৰত যথেষ্ট চাপ পৰে, যাৰ ফলত দৃষ্টিশক্তি হ্ৰাস হ'বলৈ আৰম্ভ কৰে। এনে পৰিস্থিতিত, আপুনি স্মাৰ্টফোনৰ আখৰৰ আকাৰ ডাঙৰ কৰি ৰাখিব লাগে।
কেতিয়াও আন্ধাৰত ফোন ব্যৱহাৰ নকৰিব
আন্ধাৰত কেতিয়াও ফোন ব্যৱহাৰ নকৰিব।ই চকুক খুব বেয়াকৈ প্ৰভাৱিত কৰে।যাৰ ফলত আপুনি দৃষ্টিশক্তিও হেৰুৱাব পাৰে।সেয়েহে নিশা সদায় লাইট জ্বলাইহে ফোন ব্যৱহাৰ কৰিব।