![আম্বানী-আদানীৰ পৰা কিমান টকা ল'লে? তেলেংগানাত মোডীৰ ৰাহুলক প্ৰশ্ন...](http://media.assettype.com/asomiyapratidin%2F2024-05%2F4ee30e24-26aa-4892-9fb1-af238e7b6696%2Fmodi_8.jpg?w=480&auto=format%2Ccompress&fit=max)
ডিজিটেল ডেস্কঃ প্ৰধানমন্ত্ৰী নৰেন্দ্ৰ মোডীয়ে বুধবাৰে তেলেংগানাত এক নিৰ্বাচনী সভা সম্বোধন কৰি আদানী আৰু আম্বানিক লৈ কংগ্ৰেছ সাংসদ ৰাহুল গান্ধীক আক্ৰমণৰ লক্ষ্য কৰি লয়। তেলেংগানাৰ কৰিমনগৰত অনুষ্ঠিত হোৱা সভাখনত মোডীয়ে কয়, কংগ্ৰেছৰ ৰাজকুমাৰে যোৱা ৫ বছৰ ধৰি পুৱা উঠাৰ লগে লগে মালা জপ কৰিবলৈ আৰম্ভ কৰিছিল। যেতিয়াই তেওঁৰ ৰাফেল বিষয়টো তল পৰিল তেতিয়াৰে পৰা তেওঁ এক নতুন মালা জপ কৰিবলৈ আৰম্ভ কৰিছিল। পাঁচ বছৰ ধৰি এডালেই মাল জপ কৰি আছে। পাঁচ উদ্যোগপতি, পাঁচ উদ্যোগপতি, পাঁচ উদ্যোগপতি...। তাৰ পিছত লাহে লাহে ক’বলৈ আৰম্ভ কৰিলে আম্বানী-আদানী, আম্বানী-আদানী, আম্বানী-আদানী।
প্ৰধানমন্ত্ৰী মোডীয়ে পুনৰ কয়, কিন্তু যেতিয়াৰ পৰাই নিৰ্বাচন ঘোষণা হ’ল, তেওঁ আম্বানী, আদানীক গালি পাৰিবলৈ বন্ধ কৰিলে। মই আজি তেলেংগানাৰ ভূমিৰ পৰা সুধিব বিচাৰোঁ ৰাজকুমাৰে ঘোষণা কৰক নিৰ্বাচনত আম্বানী-আদানীৰ পৰা কিমান টকা লৈছে? কিমান বস্তা ক’লা ধন ভৰ্তি হৈ আছে? টেম্পোভৰ্তি নোট কংগ্ৰেছৰ কাষলৈ গৈছে নেকি?
তেওঁ পুনৰ কয়, কি চুক্তি হৈছে? আপুন ৰাতিৰ ভিতৰতে আম্বানী, আদানীক গালি দিবলৈ বন্ধ কৰিলে। নিশ্চয় কিবা এটা খেলিমেলি আছে। পাঁচ বছৰ ধৰি আম্বানী, আদানীক দুৰ্ব্যৱহাৰ কৰিলে আৰু ৰাতিৰ ভিতৰত সেই উৎপীড়ন বন্ধ হৈ পৰিল। অৰ্থাৎ আপুনি কিবা নহয় কিবা চুৰি সামগ্ৰী টেম্পো ভৰ্তি কৰি লাভ কৰিছে। দেশক উত্তৰ দিব লাগিব।
উল্লেখ্য যে, সংসদৰ বাহিৰে, ভিতৰে ৰাহুল গান্ধী আৰু কংগ্ৰেছ নেতৃত্বই যোৱা সময়ছোৱাত উদ্যোগপতি মুকেশ আম্বানী আৰু গৌতম আদানীক সমালোচনাৰ লক্ষ্য কৰি লৈছিল। বিশেষকৈ গৌতম আদানীৰ মোডীৰ কাৰ্যাকালত যিদৰে উত্থান হ’ল, দেশৰ এটা এটা সম্পদ ক্ৰয় কৰিলে সেই লৈ সেই লৈ তীব্ৰ আক্ৰমণাত্মক হৈ পৰিছিল ৰাহুল গান্ধীকে ধৰি কংগ্ৰেছ নেতৃত্ব। সেয়ে নিৰ্বাচনৰ সময়ত এই দুই উদ্যোগপতিৰ সন্দৰ্ভত ৰাহুলৰ মৌনতাক লৈ এতিয়া এইদৰেই মোডীয়ে ৰাহুলক প্ৰত্যাক্ৰমণৰ লক্ষ্য কি ল’লে।