মুছলমান অধ্যুষিত অঞ্চলত ভোটাৰক ভোট দিয়াত বাধা আৰক্ষীৰ !

ডিজিটেল ডেস্কঃ তৃতীয় পৰ্যায়ৰ ভোটগ্ৰহণৰ মাজতে উত্তৰ প্ৰদেশৰ পশ্চিমপ্ৰান্তৰ সম্ভালত মুছলমান অধ্যুষিত অঞ্চলৰ বহু ভোটাৰে অভিযোগ কৰিছে যে, তেওঁলোকে ভোটদান কৰিবলৈ সক্ষম হোৱা নাই। সমাজবাদী পাৰ্টিয়ে এই সন্দৰ্ভত অভিযোগ সম্বলিত এটা ভিডিঅ’’ এক্সত শ্বেয়াৰ কৰি লিখিছে- সম্ভাল লোকসভা সমষ্টিৰ অন্তৰ্গত কুণ্ডাৰ্কি, বিলাৰী, চান্দাউচি, সম্ভাল আৰু আসমোলিকে ধৰি সকলো বিধানসভা সমষ্টিত আৰক্ষী বাহিনীয়ে ভোটাৰসকলক প্ৰহাৰ কৰাৰ লগতে ভাবুকি প্ৰদান কৰিছে। ভোটাৰৰ শ্লিপ অপ্ৰয়োজনীয়ভাৱে পৰীক্ষা কৰি হাৰাশাস্তি কৰি ভোটাৰসকলক প্ৰভাৱিত কৰিছে।

বহু লোকে অভিযোগ কৰিছে যে, আৰক্ষী বাহিনীয়ে তেওঁলোকৰ পৰিচয়পত্ৰ কাঢ়ি লৈছে আৰু তেওঁলোকক প্ৰহাৰ কৰি ভোটাৰ কেন্দ্ৰৰ পৰা আঁতৰাই পঠিয়াইছে। উল্লেখ্য যে, উত্তৰ প্ৰদেশৰ যিকেইখন লোকসভা আসনত আজি ভোটগ্ৰহণ অনুষ্ঠিত হৈছে তাৰ ভিতৰত সম্ভাল অন্যতম। এই আসনখনৰ উপৰিও উত্তৰ প্ৰদেশৰ আৰু ৯ খন আসনত ভোটগ্ৰহণ চলি আছে।

संभल लोकसभा के अंतर्गत आने वाले कुंदरकी, बिलारी, चंदौसी, संभल एवं असमोली समेत सभी विधानसभा क्षेत्रों में पुलिस द्वारा मतदाताओं को पीटा एवं धमकाया जा रहा है। अनावश्यक रूप से वोटर पर्ची की चेकिंग करके मतदाताओं को परेशान करके मतदान को प्रभावित किया जा रहा है।

संज्ञान ले चुनाव आयोग,… pic.twitter.com/4iWcunvYmH

— Samajwadi Party (@samajwadiparty) May 7, 2024

সমাজবাদী পাৰ্টিৰ প্ৰয়াত সাংসদ ছফিকুৰ ৰেহমান বাৰ্কৰ নাতি জিয়াৰ ৰহমান বাৰ্ক সম্ভালৰ পৰা ভাৰত মিত্ৰজোঁটৰ প্ৰাৰ্থী। তেওঁ জিলা প্ৰশাসনৰ ওচৰত এই সন্দৰ্ভত অভিযোগ দাখিল কৰিছে। তেওঁ কয়, আৰক্ষী প্ৰশাসনে এটা দলৰ হৈ কাম কৰি আছে। ভোটাৰৰ শ্লিপবোৰ কাঢ়ি লৈছে। তেওঁলোকক ভোট দিবলৈ অনুমতি দিয়া নাই।

ইফালে সমষ্ট অভিযোগ সন্দৰ্ভত সম্ভালৰ জিলা দণ্ডাধীশ তথা ৰিটাৰ্ণিং বিষয়াগৰাকীয়ে সংবাদ মাধ্যমৰ কয় যে, ঘটনা সন্দৰ্ভত অধিক তথ্য লাভ কৰাৰ পাছতহে ব্যৱস্থা গ্ৰহণ কৰিব পৰা যাব।

#WATCH | Saifai, Uttar Pradesh: SP chief Akhilesh Yadav says, "We hope that the Election Commission will take action on the complaints that are coming. It is being heard at many places that BJP workers, leaders want to capture the booth. I saw an official here who was abusing… pic.twitter.com/fZOWN8jPYC

— ANI (@ANI) May 7, 2024

উত্তৰ প্ৰদেশত সৃষ্টি হোৱা এনে ঘটনাৰ সন্দৰ্ভত সমাজবাদী পাৰ্টিৰ মুৰব্বী অখিলেখ সিং যাদৱে কয়,বিজেপিৰ লোকসকলে ভোটকেন্দ্ৰ দখল কৰিবলৈ চেষ্টা কৰি আছে। আশা কৰোঁ নিৰ্বাচন আয়োগে ব্যৱস্থা গ্ৰহণ কৰিব।

Also Read: ভোট দিলে আদানীয়েঃ নিৰ্বাচনক গণতন্ত্ৰৰ এক মহান উৎসৱ আখ্যা...