ৰাছিয়াই আনিছিল ধূলি, চীনৰ আলু আৰু ভাৰতে বিচাৰি উলিয়াইছিল পানীৰ অৱস্থিতি...

ডিজিটেল ডেস্কঃ  মাজত মাঁথো কেইটামান ঘন্টা বাকী। কেইটামান মূহুৰ্তৰ পাছতে চন্দ্ৰযান-৩ য়ে চন্দ্ৰত অৱতৰণ কৰাৰ সম্ভাৱণা আছে। ভাৰতৰ মহাকাশ সংস্থা ইছৰোৰ দ্বাৰা প্ৰেৰণ কৰা চন্দ্ৰযান ৩-ৰ লেণ্ডাৰ বিক্ৰমে চন্দ্ৰৰ পৃষ্ঠত অৱতৰণ কৰিবলৈ চেষ্টা কৰিব। এই ক্ষেত্ৰত সফল হ'লে ভাৰত বিশ্বৰ প্ৰথম খন দেশ হ'ব যি চন্দ্ৰৰ দক্ষিণ মেৰুত অৱতৰণ কৰিব।

ভাৰতৰ এয়া তৃতীয় চন্দ্ৰ অভিযান চন্দ্ৰযান-৩। চন্দ্ৰযান-৩ ১৪ জুলাইত উৎক্ষেপণ কৰা হৈছিল। প্ৰায় এমাহ পিছত, ১১ আগষ্টত ৰাছিয়াই লুনা-২৫ উৎক্ষেপণ কৰিছিল কিন্তু ৰাছিয়াৰ এই অভিযান বিফল হয়। ২১ আগষ্টত লুনা-২৫ কোমল অৱতৰণ হ'ব লাগিছিল কিন্তু মহাকাশযানখন দুৰ্ঘটনাগ্ৰস্ত হৈছিল। ভাৰত আৰু ৰাছিয়াৰ পিছত আমেৰিকা যুক্তৰাষ্ট্ৰ আৰু চীনেও চন্দ্ৰত মহাকাশযান অৱতৰণৰ অভিযান আৰম্ভ কৰিছে।

যোৱা ৭ দশকত চন্দ্ৰকলৈ ১১১ টা অভিযান হৈছে। ইয়াৰে প্ৰায় ৬৬ টা আংশিকভাৱে সফল আৰু ৪১ টা বিফল হৈছিল। চন্দ্ৰপৃষ্ঠত কোমল অৱতৰণৰ বাবে ৩৮ টা প্ৰয়াস কৰা হৈছিল। আমেৰিকা, ৰাছিয়া আৰু চীন হৈছে ৩খন দেশ যিয়ে চন্দ্ৰত কোমল অৱতৰণ কৰিবলৈ সক্ষম হৈছিল।

চন্দ্ৰত ৰাছিয়াৰ অৱতৰণঃ

• ৰাছিয়াৰ লুনা-২ আছিল চন্দ্ৰ অভিযানৰ বাবে বিশ্বৰ প্ৰথম মহাকাশযান। ইয়াক ১৯৫৯ চনৰ ১২ ছেপ্টেম্বৰত মুকলি কৰা হৈছিল।

• ১৯৬৬ চনৰ ৩ ফেব্ৰুৱাৰীত চন্দ্ৰত অৱতৰণ কৰা লুনা-৯ আছিল প্ৰথম অভিযান। লুনাৰ দুটা অভিযানে চন্দ্ৰপৃষ্ঠৰ পৰা নমুনা লৈ উভতি আহিছিল।

• ৰাছিয়াই ১৯৭৬ চনত লুনা-২৪ প্ৰেৰণ কৰিছিল। লুনা-২৪ প্ৰায় ১৭০ গ্ৰাম চন্দ্ৰৰ ধূলিৰে সুৰক্ষিতভাৱে পৃথিৱীলৈ ঘূৰি আহিছিল।

• ৪৭ বছৰ পাছত ৰাছিয়াই ২০২৩ চনৰ ১১ আগষ্টত প্ৰেৰণ কৰিছিল লুনা-২৫।

চন্দ্ৰত আমেৰিকাৰ অভিযান

• আমেৰিকাৰ মহাকাশ সংস্থা নাছাৰ অপোলো-১১ ৰ জৰিয়তে প্ৰথম বাৰৰ বাবে কোনো মানুহে চন্দ্ৰত ভৰি দিছিল। ১৯৬৯ চনৰ ২০ জুলাইত নীল আৰ্মষ্ট্ৰং আৰু বাজ এল্ড্ৰিন চন্দ্ৰত অৱতৰণ কৰা ক্ৰমান্বয়ে প্ৰথম আৰু দ্বিতীয় মহাকাশচাৰী।

• এপোলো ১৭ নাছাৰ এপোলোৰ দ্বিতীয় অভিযান আছিল। ইয়াক ১৯৭২ চনৰ ৭ ডিচেম্বৰত মুকলি কৰা হৈছিল। ১৯৭২ চনৰ ১৯ ডিচেম্বৰত ই পৃথিৱীলৈ ঘূৰি আহে।

• আমেৰিকাই চন্দ্ৰলৈ ৩১ টা অভিযান প্ৰেৰণ কৰিছিল। যাৰ ভিতৰত ১৭টা বিফল হৈছিল।

চন্দ্ৰত চীনৰ অভিযান

• চীনে ২০০৭ চনত চন্দ্ৰলৈ প্ৰথম অভিযান আৰম্ভ কৰিছিল। চীনে এতিয়ালৈকে পাঁচটা চাং'ই অভিযান আৰম্ভ কৰিছে।

• ২০১৩ চনৰ ১ ডিচেম্বৰত চীনৰ চাং'ই-৩ মহাকাশযানে প্ৰথমবাৰৰ বাবে চন্দ্ৰপৃষ্ঠত কোমল অৱতৰণ কৰে।

• একে সময়তে চীনে ৭ ডিচেম্বৰ ২০১৮ ত চাং'ই-৪ৰ জৰিয়তে দ্বিতীয়বাৰৰ বাবে চন্দ্ৰত অৱতৰণ কৰিছিল।

• চাং'ই-৪ ৰ জৰিয়তে চীন চন্দ্ৰৰ পিছফালে অৱতৰণ কৰা প্ৰথম আৰু একমাত্ৰ দেশ। চাং'ই-৪ মিছনৰ লেণ্ডাৰে এতিয়াও কাম কৰি আছে।

• চাং'ই-৪-ৰ সৈতে, চীনে চন্দ্ৰ মাইক্ৰ' পৰিস্থিতিতন্ত্ৰ নামৰ এটা বাকচ প্ৰেৰণ কৰিছিল। ইয়াত কপাহ আৰু আলুকে ধৰি বহুতো বীজ আছিল। চীনে প্ৰেৰণ কৰা এই বীজবোৰ চন্দ্ৰত গজাইছিল।

চন্দ্ৰত ভাৰতৰ অভিযান

• ২০০৮ চনত ভাৰতে প্ৰথমবাৰৰ বাবে চন্দ্ৰ অভিযান আৰম্ভ কৰিছিল।

• চন্দ্ৰযান-১ য়ে চন্দ্ৰপৃষ্ঠত পানী আৱিষ্কাৰ কৰিছিল ।

• ২০১৯ চনত ভাৰতে দ্বিতীয়টো চন্দ্ৰ অভিযান আৰম্ভ কৰিছিল।

• আৰু তৃতীয়টো অভিযান ২০২৩ ত আৰম্ভ কৰে।

উল্লেখ্য যে, চন্দ্ৰযান ৩ বুধবাৰে সন্ধিয়া ৬:০৪ বজাত চন্দ্ৰত অৱতৰণ কৰাৰ সম্ভাৱনা আছে। যদি অৱতৰণ হয় তেন্তে ভাৰত চন্দ্ৰপৃষ্ঠত অৱতৰণ কৰা চতুৰ্থ খন দেশ হ'ব।

Also Read: পানীৰ পৰা মানৱ বসতিলৈ! কি কি অধ্যয়ন কৰিব চন্দ্ৰযান-৩য়ে