গুজৰাটত প্ৰৱল বৰষুণ আৰু বজ্ৰপাতত প্ৰাণ গ'ল ২০ জনৰ

ডিজিটেল ডেস্কঃ বজ্ৰপাতত প্ৰাণ গ'ল ২০ জনকৈলোকৰ। গুজৰাটত সংঘটিত হৈছে এই ঘটনা। প্ৰৱল বৰষুণ আৰু বজ্ৰপাতৰ ফলত ২০ জনকৈ প্ৰাণ হেৰুয়ায়। চৰকাৰী সূত্ৰই জনাইছে এই কথা।

মৃত্যুৰ সংখ্যা বৃদ্ধি পোৱাৰ সম্ভাৱণা আছে। কেৱল মানুহ নহয়, প্ৰৱল বৃষ্টিপাতৰ ফলত প্ৰায় ৪০ টাকৈ পশুধনৰো মৃত্যু হয়। বৰষুণৰ ফলত গুজৰাটৰ আটাইতকৈ বেছি ক্ষতিগ্ৰস্ত জিলাবোৰ হৈছে আমৰেলী, সুৰেন্দ্ৰনগৰ, মেহছানা, বোটাদ, পঞ্চমহল, খেদা, চাবৰকান্থা, চুৰাট আৰু আহমেদাবাদ।

এই জিলাসমূহত বৰষুণৰ লগতে প্ৰতি ঘণ্টাত ৫ কিলোমিটাৰ বেগত বতাহো আহে। ইয়াৰ মাজতে বতৰ বিজ্ঞান কেন্দ্ৰই দক্ষিণ গুজৰাট অঞ্চলৰ মাছমৰীয়া সকলৰ বাবে সতৰ্কতা জাৰি কৰিছে। কিয়নো উক্ত অঞ্চলত ৬০ কিলোমিটাৰ প্ৰতিঘন্টাত বতাহ অহাৰ সম্ভাৱণা আছে।

Also Read: ৰাস চাই উভতাৰ পথতেই পথ দুৰ্ঘটনাত মৃত্য়ু যুৱকৰ