ডিজিটেল ডেস্কঃ ভুল হৈ গ’ল হেমা মালিনীৰ ৷ বিহুৰ ওলগ জনাবলৈ গৈ পাহৰি গ’ল বিহু কাৰ জাতীয় উৎসৱ ৷ সামাজিক মাধ্যমৰ যোগেদি শুভেচ্ছা বাৰ্তা প্ৰেৰণ কৰি বিতৰ্কত সোমাই পৰিল জনপ্ৰিয় অভিনেত্ৰী তথা ৰাজনৈতিক নেত্ৰীগৰাকী ৷ বৃহস্পতিবাৰে ৩ ৰাজ্যৰ উৎসৱৰ প্ৰাকক্ষণত টুইটাৰ যোগেদি শুভেচ্ছা বাৰ্তা প্ৰেৰণ কৰিছিল হেমা মালিনীয়ে ৷ ৩ খন ৰাজ্যৰ নাম উল্লেখ কৰি বৈশাখ, বিহু আৰু নৱ বৰ্ষৰ সামাজিক মাধ্যমত ফটোসহ শুভেচ্ছা জ্ঞাপন কৰিছে অভিনেত্ৰীগৰাকীয়ে ৷
য’ত তেওঁ বৈশাখ পঞ্জাৱৰ, পশ্চিম বংগৰ পয়েলা বৈশাখ আৰু বিহাৰৰ বিহু বুলি উল্লেখ কৰিলে ৷অসমৰ পৰিৱৰ্তে বিহাৰৰ কথা উল্লেখ কৰাক লৈ এতিয়া সামাজিক মাধ্যমত তীব্ৰ হৈ চৈৰ সৃষ্টি হৈছে ৷
এগৰাকী প্ৰাক্তন সাংসদ তথা জনপ্ৰিয় অভিনেত্ৰীয়ে বিহু অন্য ৰাজ্যৰ বুলি উল্লেখ কৰাক লৈ স্বাভিৱকতে স্বাভিমানী অসমীয়াৰ মাজত তীব্ৰ প্ৰতিক্ৰিয়াৰ সৃষ্টি হৈছে ৷ বিহুক গীনিজ ৱৰ্ল্ড ৰেকৰ্ডত নাম অন্তভুক্তিৰৰ দিনটোতে উৎসাহিত হৈ থকা এনে খবৰে প্ৰতিজন অসমীয়াক স্বাভাৱিকতে ব্যৰ্থিত কৰি তুলিছে ৷