হিন্দু ধৰ্ম আৰু গেৰুৱা ৰঙৰ প্ৰাধান্যতা...

ডিজিটেল ডেস্ক : গেৰুৱা বসন! সততে কেতিয়াবা আপোনাৰ মনতো হয়তো প্ৰশ্ন উত্থাপন হয় যে ঋষি, পণ্ডিত, বৈৰাগীৰ পৰা আৰম্ভ কৰি ধাৰ্মীক লোকে কিয় পৰিধান কৰে এই গেৰুৱা বসন। কি সূচায় এই গেৰুৱা বসনে ? কি ধৰ্মীয় ঐতিহ্য আছে এই গেৰুৱা বসনত ?

আমি সৰুৰে পৰা এটা কথা বুজি আহিছো যে, হিন্দু ধৰ্মত গেৰুৱা বা কেশৰ ৰং অতি গুৰুত্বপূৰ্ণ বুলি গণ্য কৰা হয়। ঋষি তথা সন্তসকলে এই ৰং পিন্ধে, এই ৰঙক পবিত্ৰ বুলি গণ্য কৰে। কিন্তু কেৱল গেৰুৱা কিয় অপৰিহাৰ্য বুলি গণ্য কৰা হয়? ইয়াৰ আঁৰত কিবা পৌৰাণিক কাৰণ আছেনে?

আচলতে আমি যেতিয়াই আধ্যাত্মিকতাৰ কথা কওঁ তেতিয়াই গেৰুৱা ৰঙক সদায় গুৰুত্ব দিয়া হয়। কেশৰ অৰ্থাৎ গেৰুৱা শব্দটো ভগৱানৰ পৰা উদ্ভৱ হৈছে বুলি হিন্দু ধৰ্মাৱলম্বী সকলে বিশ্বাস কৰে। যাৰ অৰ্থ হৈছে দেৱতা বা বলি দিয়া। এই ৰং সম্পৰ্কে কিছু বৰ্ণনা শাস্ত্ৰত পোৱা যায়। শাস্ত্ৰ অনুসৰি সাধু-ঋষিয়ে কিয় কেৱল কেশৰ বসন পিন্ধে জানো আহক...

শাস্ত্ৰৰ এক কাহিনী অনুসৰি, সত্যুগত ভগৱান শিৱই অমৰ কথা নামৰ এখন গ্ৰন্থৰ বৰ্ণনা কৰিছিল। দেহ, আত্মা আৰু যোগৰ বিষয়ে অতি গভীৰ তথ্য এই গ্ৰন্থত দিয়া হৈছিল। ভগৱান শিৱই যেতিয়া দেৱী পাৰ্বতীক এই বিষয়ে কয়, তেতিয়া পাৰ্বতীৰ মনত বলিদানৰ আকাংক্ষাৰ সৃষ্টি হয়। তেওঁৰ শিৰা কাটিৰ ফলত কাপোৰত তেজৰ দাগ লাগে। আৰু ইয়াৰ পৰাই কেশৰ ৰঙৰ গুৰুত্বই স্থান পোৱা আৰম্ভ কৰে বুলি গণ্য কৰা হয়।

আনহাতে গোৰক্ষনাথে যেতিয়া পাৰ্বতীৰ ওচৰত প্ৰাৰ্থনা কৰিবলৈ যায়, তেতিয়া তেওঁ তেওঁক কেশৰত তিয়াই থোৱা কাপোৰ দিছিল। সেই সময়ৰ পৰা কেশৰ বা গেৰুৱা ৰঙৰ কাপোৰৰ ধৰ্মীয় গুৰুত্ব বাঢ়ি আহিল। তদুপৰি কেশৰ ৰঙৰ গুৰুত্ব বেদতো পোৱা যায়। বিশ্বৰ আটাইতকৈ পুৰণি গ্ৰন্থ ঋকবেদৰ প্ৰথম মন্ত্ৰ হ’ল "ওম অগ্নিমিলি পুৰোহিতম যজ্ঞস্যা দেৱমৃতবিজম। হোতাৰাম ৰত্নধতম"। য'ত গেৰুৱাৰ প্ৰাধান্যতা দেখিবলৈ পোৱা যায়।

পিছে এতিয়া কথা হ'ল ঋষিসকলৰ বাবে কেশৰ ৰং কিয় গুৰুত্বপূৰ্ণ ? বিশ্বাস কৰা হয় যে, আগৰ দিনত যেতিয়া ঋষিসকলে এটা আশ্ৰমৰ পৰা আন এটা আশ্ৰমলৈ গৈছিল তেতিয়া তেওঁলোকে লগত জুই কঢ়িয়াই লৈ ফুৰিছিল। সময়ৰ লগে লগে জুইৰ প্ৰতীক গেৰুৱা পতাকা কঢ়িয়াই নিবলৈ আৰম্ভ কৰে। লাহে লাহে এই গেৰুৱা ৰং হিন্দু ধৰ্মৰ প্ৰতীক হৈ পৰিল। কোৱা হয় যে, গেৰুৱা ৰঙে দুটা গুৰুত্বপূৰ্ণ দিশ বহন কৰা। সূৰ্য্যোদয় তথা অস্ত যোৱাৰ ৰঙৰ লগতে জুইৰ প্ৰতীক হিচাবে বহন কৰে গেৰুৱা ৰঙক। এই কাৰণেই এই ৰঙক বিশুদ্ধতাৰ প্ৰতীক বুলি গণ্য কৰা হয়।

ইয়াৰ আন এটা কাৰণ হ’ল ভগৱান হনুমানৰ লগত গেৰুৱা ৰঙৰ সঙ্গতি। হনুমান পূজাত কেৱল গেৰুৱা ৰং ব্যৱহাৰ কৰা হয়। এই ৰঙক ঋষিসকলেও গুৰুত্ব দিয়ে কাৰণ ই বৈবাহিকতাৰ প্ৰতীক। আনহাতে কেশৰ ৰং আৰু শৰীৰৰ সম্পৰ্ক আছে বুলিও গণ্য কৰা হয়। কিয়নো কেশৰ ৰঙক ৭ টা চক্ৰৰ সৈতে জড়িত কৰে। আমাৰ শৰীৰত ৭টা চক্ৰ আছে যিবোৰ ৭টা মূল ৰঙৰ সৈতে জড়িত। এই সকলোবোৰ ৰামধেনুৰ ৰং। শৰীৰে প্ৰতিটো ৰং বেলেগ বেলেগ ধৰণে দেখে। গেৰুৱা চক্ৰক শৰীৰৰ আটাইতকৈ গুৰুত্বপূৰ্ণ চক্ৰ বুলি গণ্য কৰা হয়। এই চক্ৰ আমাৰ যৌনাংগৰ সৈতেও জড়িত। সেইবাবেই হিন্দু ধৰ্মত প্ৰাধান্য পাই গেৰুৱা ৰঙে।

Also Read: প্ৰসংগ-"মন-কি-বাত": ৰাজ্যৰ ২৮ হাজাৰ বুথত সমবেত হ'ব লাখ লাখ কৰ্মকৰ্তা...