ব'লবমেই হ'ল কালঃ বিহাৰত চৰ্ট শ্বাৰ্কিট হৈ মৃত্যু ৯ কিশোৰৰ

ডিজিটেল ডেস্কঃ বিহাৰৰ বৈশালীত এক শোকাৱহ ঘটনা সংঘটিত হৈছে। শাওন মাহ উপলক্ষে কেইবাজনো যুৱকে দেওবাৰে এক ধৰ্মীয় স্থানীৰ ঘাটৰ পৰা পানী আনিবলৈ গৈছিল কিন্তু৷ উচ্চ স্তৰত ডিজে (DJ) বজাই যোৱা বাহনখনক মাতি আছিল কালে।

জানিব পৰা মতে, বাহনখনৰ ওপৰৰ অংশত লগোৱা হৈছিল কেবাটাই মাইক ৷ বৈশালীৰ হাজীপুৰ ঔদ্যোগিক থানাৰ অন্তৰ্গত এক স্থানত সেই মাইকবোৰ পথৰ মাজেৰে পাৰ হৈ যোৱা হাই ভলল্টেজ তাঁৰত লাগি যায় ৷ ফলত চৰ্ট শ্বাৰ্কিট হৈ ৯ জন কিশোৰৰ মৃত্যু হয়।

এই ঘটনাত গুৰুতৰভাৱে আহত হৈ বৰ্তমান চিকিৎসালয়ত মৃত্যুৰ সৈতে যুঁজ দি আছে অন্য দুজন যুৱকে ৷ দুৰ্ঘটনাৰ বিষয়ে জানিব পাৰি উক্ত স্থানত আৰক্ষী উপস্থিত হৈ আহতসকলক হাস্পতাললৈ প্ৰেৰণ কৰে ৷ আনহাতে একেলগে ৯ জন কিশোৰৰ মৃত্যু হোৱা ঘটনাই সমগ্ৰ অঞ্চলত শোকৰ ছাঁ পেলাইছে ৷

Also Read: শিৱসাগৰত পিষ্টলসহ আটক যুৱকঃ তদন্ত অব্যাহত