অমৃতপাল সিং নহয়, সহযোগী হে গ্ৰেপ্তাৰ হৈছিল ! এতিয়াও পলাতক খালিস্তানৰ সমৰ্থক অমৃতপাল...

ডিজিটেল ডেস্ক : এতিয়া প্ৰতিবাদত উত্তাল সমগ্ৰ পাঞ্জাৱ, কৰ্তন কৰা হৈছে ইন্টাৰনেট, এচ এম এচ সেৱা । যাতে কোনো কাৰণতেই সংযোগ স্থাপন কৰিব নোৱাৰে প্ৰতিবাদী তথা খালিস্তানৰ সমৰ্থকসকলে । আনহাতে, ৱাৰিছ দে পাঞ্জাৱ নামৰ সংগঠনটোৰ মুৰব্বী অমৃতপাল সিঙক ১৮ মাৰ্চত সন্ধিয়া আৰক্ষীয়ে গ্ৰেপ্তাৰ কৰা বুলি বাতৰি আহিছিল যদিও পৰৱৰ্তী সময়ত পাঞ্জাৱ আৰক্ষীয়ে এই সন্দৰ্ভত দিয়া নতুন তথ্য অনুসৰি সেইয়া অমৃতপাল সিং নহয় বৰং তেখেতৰ সহযোগী আৰু গাণিনিক পৰামৰ্শদাতা হে আছিল ।

প্ৰায় ১০০ খনতকৈও অধিক বাহনেৰে বহু সময় ধৰি ৱাৰিছ দে পাঞ্জাৱৰ এটি পলাতক দলক খেদি খেদি অৱশেষত গ্ৰেপ্তাৰ কৰঅৰ পাছতেই সেই দলটোত অমৃতপাল সিং থকা বুলি কোনো কোনোৱে দাবী কৰিছিল যদিও সলনি হয় সেই ভাষ্য । বৰং ঘটনাস্থলীৰ পৰা দুচকীয়া বাহনযোগে অমৃতপাল সিঙে পলায়ন কৰা বুলিহে বৰ্তমান দাবী কৰিছে পাঞ্জাৱ আৰক্ষীয়ে ।

উল্লেখ্য যে, বৰ্তমানলৈ সংগঠনটিৰ ৭৮ জন সদস্য অথবা খালিস্তানৰ সমৰ্থকক গ্ৰেপ্তাৰ কৰিবলৈ সক্ষম হৈছে আৰক্ষীয়ে । আৰক্ষীৰ মন্তব্য অনুসৰি, অমৃতপাল সিং তথা সংগঠনটিৰ শীৰ্ষ সদস্য সকলে পাকিস্তানৰ আই এছ আই আৰু বিদেশৰ বহু কেইটা সন্ত্ৰাসবাদী সংগঠনৰ সৈতে সুসম্পৰ্ক ৰক্ষা কৰি আহিছিল । যাৰ বাবেই উগ্ৰ জাতীয়তাবাদে মোহাচ্ছন্ন কৰি পেলোৱা নেতাগৰাকীয়ে সততেই ৰাজহুৱা স্থানত সশস্ত্ৰ সংগ্ৰামৰ জৰিয়তে ভাৰতৰ পৰা বিচ্ছিন্ন হৈ স্বাধীন খালিস্তানৰ সমৰ্থনত মাত মাতি আহিছে ।

Also Read: ভাৰাঘৰৰ দাম বেছি ! আৱৰ্জনাৰ মাজত সাজিলে নিজৰ ঘৰ...