নিশাৰ ভিতৰতে সলনি ভাগ্য! ২৫ বছৰলৈ মাহে লাভ কৰিব ৫.৬লাখ টকা...

ডিজিটেল ডেস্কঃ মানুহৰ কেতিয়া ভাগ্য সলনি হয় কব নোৱাৰি। ইয়াৰ উদাহৰণ মগেশ কুমাৰ নটৰাজন। তেওঁ এনে এটা লটাৰীত জয় লাভ কৰে যাৰ পাছত তেওঁৰ জীৱন ৰাতিটোৰ ভিতৰতে সলনি হৈ গ'ল। এই লটাৰীৰ অধীনত তেওঁ আগন্তুক ২৫ বছৰ পৰ্যন্ত একো নকৰাকৈ মাহে ৫.৬ লাখ টকা লাভ কৰিব।

মাগেশ তামিলনাডুৰ যদিও ইউএইৰ এজন প্ৰকল্প মেনেজাৰ। তেওঁ শুক্ৰবাৰে ৰেফল ড্ৰ'ত জয়ী হয়। ইয়াৰ অধীনত তেওঁ আগন্তুক ২৫ বছৰৰ বাবে মাহে ৫.৬ লাখ টকা লাভ কৰিব। তেওঁ Emirates Draw ৰ FAST5 গ্ৰেণ্ডত জয় লাভ কৰে।

জানিব পৰা মতে, নটৰাজনে তেওঁৰ জীৱনৰ বেছিভাগ সময় তামিলনাডুৰ আম্বুৰত অতিবাহিত কৰিছে। ২০১৯ চনৰ পৰা এই বছৰৰ আৰম্ভণিলৈকে চৌদি আৰৱত তেওঁৰ চাৰি বছৰীয়া কামৰ চুক্তি আছিল। যাৰ বাবে তাতেই আছিল তেওঁ।

এই লটাৰীত জয় লাভ কৰাৰ পাছতেই মগেশে কয় যে তেওঁ বহুত কষ্ট কৰি পঢ়-শুনা কৰিছে। আৰু এই ক্ষেত্ৰত সমাজে তেওঁক যথেষ্ঠ সহায় কৰিছে। গতিকে এতিয়া সময় আহি পৰিছে তেওঁৰ আনক সহায় কৰাৰ।

Also Read: ইজৰাইল-হামাছৰ যুদ্ধৰ মাজতে গাজাৰ লোকসকললৈ ভাৰতে প্ৰেৰণ কৰিছে মানৱীয় সহায়