![উভতি আহিব ডাবল ডেকাৰ বাছ...](http://media.assettype.com/asomiyapratidin%2F2022-12%2F5b471e13-0a4c-44e0-a47b-e4332339d584%2Fdouble_decker.jpg?w=480&auto=format%2Ccompress&fit=max)
ডিজিটেল ডেস্ক : বিংশ শতিকাৰ বলীউডৰ এক অপৰিচ্ছেদ্য অংগ আছিল ডাবল ডেকাৰ বাছ সমূহ । চলচিত্ৰ সমূহত বিভিন্ন সময়ত পৰ্দাপন কৰোৱা হৈছিল ডাবল ডেকাৰ বাছক । অৱশ্যে কেৱল বলীউডেই নহয় বৰং বাংলা চলচিত্ৰ জগতৰ মহানায়ক স্বৰূপ উত্তম কুমাৰকো দেখা গৈছিল ডাবল ডেকাৰ বাছৰ এটি দৃশ্যাংশত ।
১৯৩৭ চনতেই মুম্বাইত আৰম্ভ হোৱা ডাবল ডেকাৰ বাছ কালৰ সোঁতত যেন হেৰাই গৈছিল মায়ানগৰীৰ পৰা । মেট্ৰ' প্ৰকল্পৰ বাবে ৰাজপথত বিশালকায় ডাবল ডেকাৰ বাছৰ চলাচল অসম্ভৱ হৈ পৰিছিল । তেনেস্থলত প্ৰশাসনৰ হাততো বাছ কেইখন বন্ধ কৰাৰ বাহিৰে যেন আন উপায় নাছিল ।
কিন্তু আগন্তুক বৰ্ষত উভতি আহিব ডাবল ডেকাৰ বাছ । শেহতীয়াকৈ বিদ্যুৎ চালিত বাহনৰ বৰ্ধিত জনপ্ৰিয়তাৰ প্ৰতি লক্ষ্য ৰাখি মুম্বাই পৌৰ নিগমে ৬০ খন বিদ্যুৎ চালিত ডাবল ডেকাৰ বাছ ২০২৩ বৰ্ষৰ ১০ জানুৱাৰীত উদ্বোধন কৰিব প্ৰশাসনে । পাছলৈ অৱশ্য এই সংখ্যা বৃদ্ধি কৰি ৪০০ খনলৈ ডাবল ডেকাৰ বাছ মুকলি কৰিব মুম্বাই প্ৰশাসনে ।