কংগ্ৰেছে ঘৃণাৰ বজাৰত প্ৰেমৰ দোকান খুলিব : ৰাহুল গান্ধী

ডিজিটেল ডেস্ক : ৰাজস্থানৰ বিশাল ৰাজহুৱা সভাত অংশগ্ৰহণ কৰি প্ৰধানমন্ত্ৰী নৰেন্দ্ৰ মোডীক কঠোৰ সমালোচনা কংগ্ৰেছ নেতা ৰাহুল গান্ধীৰ। ৰাজ্যখনৰ বিধানসভাৰ দিন চমু চাপি অহাৰ লগে লগে সাজু হৈ উঠিছে দলটো।

মঙলবাৰে ৰাজস্থানৰ উদয়পুৰত অনুষ্ঠিত ৰাজহুৱা সভাত ভাগ লৈ ৰাহুল গান্ধীয়ে কয়- বিজেপি চৰকাৰে দেশজুৰি ঘৃণা বিয়পাইছে। এই দেশ ঘৃণাৰ দেশ নহয়। মৰম,প্ৰেম,ভালপোৱাৰ এনাজৰীৰে বান্ধ খাই থকা দেশ।

কংগ্ৰেছে ঘৃণাৰ বজাৰত প্ৰেমৰ দোকান খুলিব। ইয়াৰোপৰি গান্ধীয়ে উপস্থিত জনতাক উদ্দেশ্যি কয়- আমি আপোনালোকক জনজাতীয় বুলি কওঁ। বিপৰীতে বিজেপিয়ে আপোনালোকক বনবাসী আখ্যা দিয়ে। এয়াই হৈছে পাৰ্থক্য।

আনহাতে কংগ্ৰেছ পুনৰ শাসনলৈ আহিলে জনজাতীয় লোকসকলৰ সকলো সমস্যা সমাধান কৰিব বুলি ৰাহুল গান্ধীয়ে জনসভাত উল্লেখ কৰে। আজিৰ এই সভাত সহস্ৰাধিক লোকৰ লগতে প্ৰদেশ কংগ্ৰেছৰ শীৰ্ষ নেতৃত্ব উপস্থিত থাকে।

Also Read: গহপুৰত চুৰিকাণ্ড : ঘৰৰ বেৰ খুলি চোৰে লুটি নিলে সকলো