ডিজিটেল ডেস্ক : ভাৰতীয় জাতীয় কংগ্ৰেছৰ জ্যেষ্ঠ নেতা ৰাহুল গান্ধীৰ সাংসদ পদফ খাৰিজ কৰা হৈছিল মোডী সম্প্ৰদায়ৰ লোকসকলৰ প্ৰতি বিৰূপ মন্তব্য কৰাৰ অভিযোগ উত্থাপন কৰি । আনহাতে, নেতা গৰাকীৰ ভাষ্য অনুসৰি এইয়া আছিল শেহতীয়াকৈ তেওঁ গৌতম আদানী সম্পৰ্কে অধিক সৰৱ হৈ পৰাৰ ফলাফল । নেতা গৰাকীয়ে গৌতম আদানী আৰু শাসনাধিষ্ঠ চৰকাৰৰ সুসম্পৰ্ক থকাৰ অভিযোগ তুলি আদানীৰ বিৰুদ্ধে এক তদন্ত আৰম্ভ কৰিবলৈ হেচা দি আহিছিল চৰকাৰক । যাৰ বাবেই ক্ষুন্ন চৰকাৰে তেওঁৰ সাংসদ পদ খাৰিজ কৰা বুলি কংগ্ৰেছে জনালে সংবাদ মাধ্যমৰ সন্মুখত ।
কিন্তু এই সকলোৰে মাজত গৌতম আদানী সম্পৰ্কে পূৰ্বৰ সমানেই সৰৱ হৈ থাকিল ৰাহুল গান্ধী । বৰং টুইটাৰৰ জৰিয়তে নতুন নতুন ধৰণে আক্ৰমণ চলাই গ'ল আদানীক । এইবাৰ নেতাগৰাকীৰ তেনে এক টুইটেই পুনৰ দৃষ্টি আকৰ্ষণ কৰিবলৈ সক্ষম হৈছে দেশৰ জনতাৰ দেশৰ প্ৰধানমন্ত্ৰী নৰেন্দ্ৰ মোডী আৰু পূঁজিপতি আদানীৰ উপাধি একাকাৰ কৰি নাম দিলে "মোদানী" । এই মোদানী যে শ্লেষাত্মক উপাধি সেইয়া বুজিবলৈ বৰ বেছি সময়ৰ প্ৰয়োজন নহ'ল ৰাইজক । কিন্তু একে সময়তেই এই উপাধিয়ে আমোদৰ খোৰাক হৈ দেখা দিলে সামাজিক মাধ্যম টুইটাৰত ।
ৰাহুল গান্ধীয়ে এক টুইটযোগে কৰিছিল এক গুৰুত্বপূৰ্ণ প্ৰশ্ন । প্ৰশ্ন অনুসৰি, "এল আই চিৰ পুঁজি আদানীত, এছ বি আইৰ পুঁজি আদানীত, ই পি এফৰ পুঁজি আদানীত । তদন্তও নাই, উত্তৰো নাই । ইমান ভয় কিহৰ ?"
