একতা আংশিকভাৱে বৈচিত্ৰ্যৰ পৰা আহে: সঞ্জয় হাজৰিকা

ডিজিটেল ডেস্কঃ  দেওবাৰে পুৱা ১০.৩০ বজাৰ পৰা দিল্লীস্থিত অশোক হোটেলত অনুষ্ঠিত হৈছে সাদিন-প্ৰতিদিন গোষ্ঠীৰ কনক্লেভ-২০২৩। আজিৰ তৃতীয়টো আলোচনা চক্ৰৰ বিষয়বস্তু- ‘আইডেনটিটি কুৱেষ্টঃ আনৰেভেলিং দ্য এথনিক টাপেষ্ট্রি অৱ নৰ্থ-ইষ্ট ইণ্ডিয়া’। এই আলোচনাত উপস্থিত থাকে প্রদ্যুৎ মাণিক্য দেৱ বাৰ্মা, সঞ্জয় হাজৰিকা, সমুজ্জল কুমাৰ ভট্টাচাৰ্য আৰু সমুৱেল বি জায়ৰৱা।

জ্যেষ্ঠ সাংবাদিক শোণিত কুমাৰ ভূঞাই আঁত ধৰা আলোচনা চক্ৰটিৰ পোন প্ৰথমে মণিপুৰৰ সংঘৰ্ষত নিহত হোৱাসকলৰ হৈ ১ মিনিট মৌনতা অৱলম্বন কৰে।তাৰ পাছতে বিশিষ্ট বুদ্ধিজীৱি, লেখক সঞ্জয় হাজৰিকালৈ প্ৰশ্ন কৰে যে, উত্তৰ-পূব ভাৰতৰ বৈচিত্ৰ্যই ঐক্যৰ বিৰুদ্ধে কাম কৰিছে নেকি?

ইয়াৰ উত্তৰত হাজৰিকাই কয় যে, একতা আংশিকভাৱে বৈচিত্ৰ্যৰ পৰা আহে । যদিহে সকলোৰে দৃষ্টিভংগী একে বা একে গোটৰ হয়, যদি তাত কোনো শক্তি নাথাকে। মই ভাবো, আমি 'উত্তৰ-পূব' বুলি কোৱা অঞ্চলটোৰ আকৰ্ষণীয় অংশ। আমাৰ ভাৰতৰ পূৱৰ ক'ত আৰু উত্তৰৰ ক'ত আছো ইয়ে আমাক পৃথক কৰে।

এনে কাৰণতে উত্তৰ-পূৱক লৈ প্ৰশাসনৰ সমস্যা হয়। এইটো এটা দুস্বপ্ন যেন হৈ পৰে। কিন্তু কিন্তু বিষয়টোৰ সত্যতা হৈছে ভূমি পৰিচয় আৰু সম্প্ৰদায়ৰ মৌলিক বিষয় পৰিচয় গঠনৰ প্ৰক্ৰিয়াৰ সৈতে অবিচ্ছেদ্য। এইটো গুৰুত্বপূৰ্ণ যে উত্তৰ-পূৱৰ বিভিন্ন জাতিৰ প্ৰতি সন্মান আছে। গতিকে, এনে নহয় যে এটা গোটে আধিপত্য বিস্তাৰ কৰিব পাৰে, উত্তৰ-পূবত এইটো অতি কঠিন।

বৈচিত্ৰ আছে বাবেই উত্তৰ-পূৱত এটা গোটে আধিপত্য বিস্তাৰ কৰিবলৈ পৰা নাই। এয়া ভাল কথাও। আমি সকলোৱে নিজৰ নিজৰ ক্ষেত্ৰটোত আগুৱাই নিব জানিব লাগিব।

Also Read: এদিন লাভলিনা অলিম্পিকত ভাৰতীয় ক্ৰীড়া দলৰ পতাকাবাহক হ'ব: বীৰেন্দ্ৰ প্ৰসাদ বৈশ্য