কেদাৰনাথত হেলিকপ্টাৰ দুৰ্ঘটনা, নিহত ৬ জন...

ডিজিটেল ডেস্ক: মঙলবাৰে উত্তৰাখণ্ডত এক ডাঙৰ অঘটন সংঘটিত হয়। কেদাৰনাথত এখন হেলিকপ্টাৰ দুৰ্ঘটনাত পতিত হয়। এই দুৰ্ঘটনাত ৬ জন লোকে প্ৰাণ হেৰুৱায়।মৃত লোক সকলৰ ভিতৰত ২ জন পাইলট আৰু ৪ গৰাকী তীৰ্থযাত্ৰী আছিল।

এই ঘটনা কেদাৰনাথৰ পৰা প্ৰায় ২ কিলোমিটাৰ দুৰত অৱস্থিত গৰুড়চট্টীত সংঘটিত হয়। প্ৰতিকূল বতৰৰ বাবে এই দুৰ্ঘটনা সংঘটিত হোৱা বুলি জানিব পৰা গৈছে।

উত্তৰাখণ্ডৰ মুখ্যমন্ত্ৰীৰ বিশেষ সচিবে এই বিষয়ে জনাইছে। আজি দিনৰ প্ৰায় ১২ বজাত এই ঘটনা সংঘটিত হয়। কেদাৰনাথৰ পৰা উভতাৰ সময়ত এই ঘটনা সংঘটিত হোৱা বুলি জানিব পৰা গৈছে। ঘটনা স্থলীত ইতিমধ্যে উপস্থিত হৈছে আৰক্ষী আৰু উদ্ধাৰকাৰী দল।