ডিজিটেল ডেস্কঃ দিল্লী আৰক্ষীয়ে বৃহস্পতিবাৰে গ্ৰেপ্তাৰ কৰে হিজবুল মুজাহিদীৰ মষ্ট ৱান্টেড সন্ত্ৰাসবাদীক। দিল্লী আৰক্ষীৰ বিশেষ শাখাৰ অভিযানত গ্রেপ্তাৰ হোৱা সন্ত্ৰাসবাদীজন জাভেদ আহমেদ মট্টু বুলি চিনাক্ত হৈছিল। ইয়াৰ পূৰ্বে জাভেদৰ ওপৰত ৫ লাখ টকাৰ পুৰস্কাৰ ঘোষণা কৰিছিল আৰক্ষীয়ে।
দিল্লী আৰক্ষীৰ বিশেষ শাখাৰ মতে নিয়াই সন্ত্ৰাসবাদীজনৰ বিৰুদ্ধে অভিযান চলাইছিল। জম্মু-কাশ্মীৰৰ সোপোৰৰ বাসিন্দা জাভেদ পাকিস্তানলৈও গৈছিল। তেওঁৰ কেইবাগৰাকী সহযোগী পাকিস্তানতে আছে।
যোৱা বছৰ স্বাধীনতা দিৱসৰ পূৰ্বে ছ'চিয়েল মিডিয়া প্লেটফৰ্মত ভাইৰেল হোৱা এটা ভিডিঅ'ত জাভেদৰ ভায়েক ৰায়ছ মাট্টুক জম্মু-কাশ্মীৰৰ সোপোৰত ৰাষ্ট্ৰীয় পতাকা উৰুৱাই থকা দেখা গৈছিল। মাট্টু জম্মু আৰু কাশ্মীৰৰ বহুতো সন্ত্ৰাসবাদী ঘটনাত জড়িত আছিল।
জাভেদ হিজবুলৰ এএ প্লাছ সন্ত্ৰাসবাদী। তেওঁৰ পৰা পিষ্টল, মেগজিন আৰু ৪ খনকৈ গাড়ী জব্দ কৰিছে আৰক্ষীয়ে। মট্টুৰ বিৰুদ্ধে ৫ টা গ্ৰেনেড বিস্ফোৰণ আৰু ৫ গৰাকী আৰক্ষী বিষয়াক হত্যা কৰাৰ অভিযোগ আছে। ইয়াৰোপৰি জম্মু-কাশ্মীৰত তেওঁ ১১ টাকৈ সন্ত্ৰাসবাদী কাৰ্যকালাপ সংঘটিত কৰাৰ অভিযোগ আছে।
