তীৰ্থলৈ গৈ ৭ শিশুসহ প্ৰাণ হেৰুৱালে ২২ জনে...

ডিজিটেল ডেস্কঃ তীৰ্থলৈ গৈ প্ৰাণ হেৰুৱালে ২২ জনে। নিহত ২২ জনৰ ভিতৰত আছে ৭ টাকৈ শিশু। এই কৰুণ ঘটনা সংঘটিত হৈছে উত্তৰ প্ৰদেশৰ কাচগঞ্জ এলেকাত। এখন ট্ৰেক্টৰ পুখুৰীত বাগৰি পৰাৰ ফলতে সংঘটিত হৈছে এই ঘটনা।

জানিব পৰা মতে এখন ট্ৰেক্টৰৰ ট্ৰলীত এটা তীৰ্থ যাত্ৰীৰ দল কাদাৰগঞ্জলৈ গৈ আছিল। তাৰ মাজতে ট্ৰেক্টৰখনে নিয়ন্ত্ৰণ হেৰুৱাই এটা গভীৰ পুখুৰীত বাগৰি পৰে। ফলত ট্ৰেক্টৰখনত থকা ২২ জনকৈ যাত্ৰীৰ মৃত্যু হৈছে। আৰক্ষীয়ে জনোৱা অনুসৰি এইসকলৰ ভিতৰত আছে ৭ টাকৈ শিশুও।

স্থানীয় লোকৰ ভাষ্য অনুসৰি ট্ৰেক্টৰখনত আছিল ৩০ জনকৈ লোক। ইয়াৰে ৫ জনক জীৱন্তে উদ্ধাৰ কৰা হৈছে। তেওঁলোকক স্থানীয় হাস্পতালত ভৰ্তি কৰোৱা হৈছে। প্ৰাথমিক চিকিৎসাৰ অন্তত ইয়াৰে দুজনক ঘৰলৈ যাবলৈ দিয়া হৈছে।

এই ঘটনাত শোক প্ৰকাশ কৰিছে উত্তৰ প্ৰদেশৰ মুখ্যমন্ত্ৰী যোগী আদিত্যনাথছে। তেওঁ মৃতকৰ পৰিয়াললৈ ২ লাখকৈ টকাৰ আৰ্থিক সাহায্য ঘোষণা কৰাৰ লগতে আহতলৈ ৫০ হাজাৰ টকাৰ ক্ষতিপূৰণ ঘোষণা কৰিছে।

जनपद कासगंज में सड़क दुर्घटना में हुई जनहानि अत्यंत हृदय विदारक है। मेरी संवेदनाएं शोकाकुल परिजनों के साथ हैं।

जिला प्रशासन के अधिकारियों को सभी घायलों के समुचित निःशुल्क उपचार हेतु निर्देश दिए हैं।

प्रभु श्री राम से प्रार्थना है कि दिवंगत आत्माओं को शांति तथा घायलों को शीघ्र…

— Yogi Adityanath (@myogiadityanath) February 24, 2024

Also Read: হিট এণ্ড ৰান : অচিনাক্ত বাহনৰ খুন্দাত প্ৰাণ গ'ল বাদ্যশিল্পীৰ